Antalyanın Kekova adası yaxınlığında sualtı qazıntılar zamanı aşkar edilən batmış gəmi qalığı rəsmi olaraq "Dünyanın ən qədim batmış gəmisi" kimi Ginnesin Rekordlar Kitabına düşüb.
Kulis.az xəbər verir ki, oktyabr ayındakı tədqiqatlarda üzə çıxarılan təxminən 4 400 – 4 700 illik amforaların Erkən Tunc dövrünə aid olduğu təsdiqlənib.
Gil analizləri göstərir ki, şərab və zeytun yağı daşınmasında istifadə olunan bu qablar böyük ehtimalla İordaniya vadisində hazırlanıb.
Oxşar amforaların Misir, Troya və Kritdə də tapılması qədim dövrdə coğrafiyalararası geniş ticarət əlaqələrinin mövcudluğunu sübut edir.
Türkiyənin mədəniyyət və turizm naziri Mehmet Nuri Ərsoy bu tapıntının "Mavi Vətən"dəki sualtı arxeologiya üçün tarixi əhəmiyyətini vurğulayıb.
Tədqiqatçı Hakan Öniz isə ilk olaraq 2024-cü ildə qeydə alınan gəmi qalığının əvvəlcə Osmanlı dövrünə aid zənn edildiyini, lakin son analizlərlə dünya rekordçusuna çevrildiyini bildirib.
Ana səhifə
Reels
Yazarlar
Xəbərlər