Tanınmış yazıçı-publisist Seymur Baycanın “18,6 cm” adlı kitabı üçüncü dəfə "Qanun" nəşriyyatında çap olunub.
Kulis.az xəbər verir ki, "18,6 cm" – yeni nəsil romandır. Əsərdə təsvir olunmuş əhvalatlar Azərbaycanda və Qafqaz ölkələrində cərəyan edir. Caz musiqisi kimi azad, səmimi və gözlənilməz təhkiyəsi olan müəllifin səsindən gündəlik həyatda rast gəldiyimiz tipləri tanıyacaqsınız. Bu əsərə yaxın keçmişimizin, artıq mövcud olmayan bir dönəmin xronologiyası da demək olar.
Məlumat üçün bildirək ki, indiyədək Seymur Baycanın “Körpüslanlar”, “18,6”, “Ət və ət məhsulları”, “Ana ürəyi”, “Quqark”, “Adsız itin qayıdışı” adlı bədii kitabları işıq üzü görüb və oxucular tərəfindən maraqla qarşılanıb.
