Və bir gün bir pişik
üşüyürdü divarın küncündə,
insanın soyuqluğundan...
Bədənin ağrıyırsa əgər,
Qadının və içkinin günahıdı.
Qadının yoxluğundan...
İçkinin çoxluğundan...
Gözlərin ağlayırsa əgər,
Adamın və Allahın günahıdı.
Allahın yoxluğundan...
Adamın çoxluğundan...
Sifətinin rəngi ağarırsa əgər,
Sənin və onun günahıdı.
Sənin yoxluğundan...
Onun yoxluğundan...
Hidrometroloji proqnozlar
bürosunun verdiyi məlumata
əsasən: Tənhalıq zonasında
havanın temperatoru qadın
hərarətindən 40 dərəcə aşağı,
temperamenti isə melonxolikdi.
sevgiyə həsrət insanların içməsi
məsləhətdi...
Biz ucuz kafelərin müştərisi,
ucuz araqların düşkünük.
Amma böyük sevgilərin
qurbaniyiq, şair.
Böyük sevgilərin qurbanıyıq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
