Bu günlərdə yazıçı Kamal Abdullanın «Sirri-zəmanə» adlı hekayələr kitabı nəşr olunub.

Kitabda yazıçının müxtəlif illərdə qələmə aldığı hekayələr toplanıb.

Qəhrəmanların subyektiv həyat təcrübəsi və obyektiv gerçəklik, hadisələr və onların təbiəti haqqında tarixən formalaşmış mühafizəkar-ənənəvi təsəvvürlərin gözlənilməz rakurslardan yozumu, mifloloji və arxetipik motivlərin də yer aldığı mistifikasiyalar, xəyali və yaxud paralel dünya təsiri bağışlayan, fizika qanunlarının belə tamam fərqli məntiqlə işlədiyi zaman və məkan labirintləri – bütün bunlar, üstəgəl müəllifin bənzərsiz üslubu və təhkiyəsi bu hekayələrin kaloritini təşkil edir.

• O, həyat yoldaşını öldürəndən sonra niyə özünü asdı?
• Gürcü rejissor Gerald Bejanov vəfat etdi
• Bülənt Ecevitin şair tərəfi... - Çingiz Aytmatov onun şeirləri barəsində nə yazmışdı?

Hekayələr altı müxtəlif silsilədə təqdim olunur. Nəfis tərtibatla «Mütərcim» nəşriyyatında çap olunmuş kitabın arxa üzündə müxtəlif hekayələrdən çıxarışlar və Kamal Abdullanın yaradıcılığı haqqında Salam Sarvanla Etimad Başkeçidin sözləri verilib.

Kitabın redaktorları Əliş Mirzallı və Şəlalə İsmayılzadədir.

• O, həyat yoldaşını öldürəndən sonra niyə özünü asdı?
• Gürcü rejissor Gerald Bejanov vəfat etdi
• Bülənt Ecevitin şair tərəfi... - Çingiz Aytmatov onun şeirləri barəsində nə yazmışdı?