Bu gün Xalq şairi Nigar Rəfibəylinin doğum gündür. Kulis.az bu münasibətlə "Günün şeiri" layihəsində onun "Neyləyim?" şeirini təqdim edir.

Ala gözlüm, səndən ayrı gecələr,

Bir il kimi uzun olur, neyləyim?

• İslahatçı, ilahiyyatçı, yoxsa yazıçı? - Erazm Martin Lüterə niyə qoşulmamışdı?
• Tanınmış aktyor vəfat etdi
• Bakıda iki küçəyə Məmmədbağır Bağırzadənin adı verildi

Bağçamızda qızılgüllər hər səhər,

Tezdən açır, vaxtsız solur, neyləyim?

***

Nərgizlərin gözü yaşla dolanda,

Bənövşələr baxıb qəmgin olanda,

Qərənfilin gözü yolda qalanda,

Yasəmən saçını yolur, neyləyim?

***

Əsən ruzgarın da yoxdur vəfası,

Düşmüşdür başına özgə sevdası.

Lalənin çırılıb qəmdən yaxası,

Saçları pərişan olur, neyləyim?

***

Bəlkə tez gələsən, əlac verəsən,

Sünbülün saçını yığıb hörəsən,

Əlvan çiçəkləri özün dərəsən,

Gözləri yollarda qalır, neyləyim?

***

Çəkir çiçəklərin gözü intizar,

Ayrılıqdan betər dünyada nə var?..

Bu bahar axşamı səni bax, Nigar

Həzin-həzin yada salır, neyləyim?

• İslahatçı, ilahiyyatçı, yoxsa yazıçı? - Erazm Martin Lüterə niyə qoşulmamışdı?
• Tanınmış aktyor vəfat etdi
• Bakıda iki küçəyə Məmmədbağır Bağırzadənin adı verildi