Bəxtsiz dəvə
Hamı xaricə viza alarkən, Huk – dəvə – gözlənilmədən “persona non-qrata” – “arzuolunmaz şəxs” elan olunub.
Huk polis idarəsinə gedir, ona deyirlər, bağışla, hörgüclü, heç nə edə bilmərik, yaşadığın yerə yollan, vadiyə, çünki sən “arzuolunmaz şəxs” elan olunubsan, viza dalınca get-gəlin mənasızdır.
Və Huk pərişan halda ayaqlarını keçmişinə doğru dartır. Ətrafında doğma və tanış dəvələr yerbəyerdən deyir: “nə olub?”, “ola biməz!” və “nə üçün sən?!”
Nümayəndə heyəti Xarici Əlaqələr Nazirliyinə yollanır, lakin daşsifət məmurların idarəsində qalmaqal yaşanır: “Ağlagəlməz işdir... Dərhal vadiyə gedin... Mütləq araşdırma aparılacaq”.
Huk vadidə bir gün ot didib gövşək vurur, iki gün gövşək vurur.
Bütün dəvələr sərhədi adlayıb, Huk isə bir gün gözləyir, iki gün gözləyir.
Beləcə, yay keçdi, payız keçdi.
Huk yenidən şəhərə gedir. Bir boş meydanda ayaqlarını qatlayıb yerə oturur. Turistlərlə birgə fotoşəkillər çəkdirir, jurnalistlərə müsahibə verir. Saxta şöhrət, vəssalam. O isə güman edir ki, hə, vaxt gəlib çatdı, daha problem olmayacaq və irəli cumur. Amma sərhəddə “dayan” əmri verilir. Axı o, “arzuolunmaz şəxs” elan olunub.
Yenə əvvəlki mənzərə: Huk başını yerə dikir, meydandakı nadir otları didir.
Bir dəfə onun haqqında radioda veriliş gedir və o, xürrəm halda polis idarəsinə qaçır. Orda isə Huk yenidən “arzuolunmaz şəxs” elan olunur.
Huk vadiyə qayıdır və ayaqlarını qatlayıb yerə oturur. Ölgün-ölgün ot didir, burnu yer süpürür. Üfüqün arxasında gizlənən Günəşinn ardınca aram-aram gözlərini yumur. Onun burun dəliyindən fışqırıb sallanan köpük özündən bir qədər böyükdür.
Yazıq Huk!
Ruscadan çevirdi: Əziz RZAZADƏ
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
Oxşar xəbərlər
Pərakəndəlik və ailənin fəsadları - Elmir Həsən
16:38
2 avqust 2025
Türkiyənin Azərbaycandakı səfiri: Təhsil, media və mədəniyyət sahələrində fəaliyyətlər dəstəklənməlidir - Müsahibə
12:37
31 iyul 2025
"İstəyirsən gül, istəyirsən ağla, bu, bir oxucu kimi..." - Şərif Ağayarın romanı haqqında
12:00
31 iyul 2025
Şirin Fərhadı niyə qurban verdi? - Xosrovun ölüm planı və oğlunun qılıncı
15:00
30 iyul 2025
Özünüzsüz onlara yazdıran əhvalınızı... - Günün şeiri
13:10
25 iyul 2025
Əfsanəvi rokçu Ozzi Ozbornun fanatından duyğulu etiraf
11:50
25 iyul 2025
