"Ulduz"lu görüşlər" çərçivəsində Etimad Başkeçidlə görüş keçirilib
Kulis.az xəbər verir ki, "Ulduz" ədəbiyyat dərgisinin və "Xalq qəzeti"nin ortaq layihəsi olan "Ulduz"lu görüşlər"in növbəti qonağı yazıçı, tərcüməçi Etimad Başkeçid olub.
Görüşdə "Ulduz" dərgisinin baş redaktoru Qulu Ağsəs, şöbə redaktoru Taleh Mansur, həmçinin Azərbaycan Universitetinin tələbələri iştirak ediblər. İlk olaraq Qulu Ağsəs qonaq yazıçının yaradıcılıq yoluna nəzər salıb, "Ulduz"lu görüşlər"in formatı, məqsədi, eləcə də keçirilən tədbirlər haqda danışıb.
Söz Etimad Başkeçidə verilib. Qonaq yazıçı ədəbiyyatın fərqli cəmiyyətlərin formalaşmasında rolunu vurğulayıb, Şərq və Qərb ədəbi təfəkküründəki oxşar və fərqli cəhətləri diqqətə çatdırıb. Bədii tərcümənin cari durumu, peşəkar tərcüməçilərin yetişməsi istiqamətində qarşıda duran məsələlər görüşün müzakirə predmetlərindən olub. Sonda yazıçı Etimad Baçkeçid tələbələri maraqlandıran sualları cavablandırıb, geniş fikir mübadiləsi aparılıb.
Qeyd edək ki, "Ulduz"lu görüşlər"in növbəti qonağı Əməkdar incəsənət xadimi, şair Baba Vəziroğlu olacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər