XI əsrdə İngiltərənin normanlar tərəfindən fəthini əks etdirən məşhur Bayö qobeleni (divardan asılan, üzərində müxtəlif süjetli rəsmlər, ornamentlər, mənzərələr və ya tarixi hadisələr təsvir olunan xovsuz, əllə toxunmuş bədii xalça-tablo) Britaniya Muzeyindəki sərgisinin açılışında nümayiş etdiriləcək.
Kulis.az xəbər verir ki, 1066-cı ildəki Hastinqs döyüşünü və İngiltərənin işğalını anladan təxminən 70 metr uzunluğundakı tarixi əsər 900 ildən sonra ilk dəfə İngiltərəyə gətirilib.
Yüksək təhlükəsizlik şəraitində qorunan və üfüqi şəkildə sərgilənəcək eksponat 10 sentyabr 2026-cı ildən 11 iyul 2027-ci ilə qədər Britaniya Muzeyində ziyarətçilərə açıq olacaq.
Sərginin sentyabr-dekabr ayları üçün nəzərdə tutulan biletləri artıq tamamilə satılıb.
Fransa Prezidenti Emmanuel Makronun da sərginin açılışında iştirakı gözlənilir.
Qeyd edək ki, iki ölkə arasında mədəni əməkdaşlığın simvolu olaraq, Britaniya Muzeyi də öz növbəsində "Sutton Hoo" xəzinələrini və tarixi "Lyuis" şahmat fiqurlarını müvəqqəti olaraq Fransaya göndərəcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər