Azərbaycan Kinematoqrafçılar İttifaqı “Sən, ey uşaqlıq” tammetrajlı film ssenarisi müsabiqəsinə start verib. Müsabiqənin məqsədi müasir mövzulu, orijinal və peşəkar ssenarilərin üzə çıxarılmasıdır.
Kulis.az xəbər verir ki, təşkilatçıların bildirdiyinə görə, ssenarilərin əsas qəhrəmanı 15 yaşadək uşaq olmalı, hadisələr isə 2000–2025-ci illərdə baş verməlidir.
Janr məhdudiyyəti qoyulmur, lakin yalnız tammetrajlı bədii film formatında olan işlər qəbul ediləcək. Animasiya, sənədli və qısametrajlı ssenarilər müsabiqəyə buraxılmır.
Şərtlərə görə, ssenarilər ən azı 55 səhifə olmalı, titul vərəqində ssenarinin adı, müəllifin adı-soyadı, elektron ünvanı və telefon nömrəsi göstərilməlidir.
Qəbul ediləcək sənədlər sırasında ssenari (Courier New, 12 şriftlə), sinopsis (maksimum 1,5 səhifə) və müəllif haqqında məlumat (təvəllüd, təhsil, iş yeri, filmoqrafiya varsa) yer almalıdır. Hər müəllif maksimum iki ssenari təqdim edə bilər.
Əvvəlki müsabiqələrin qalibləri olan tammetrajlı ssenarilər yarışmaya qəbul edilməyəcək. Bundan başqa, təqdim olunan işlər yalnız müəllifə məxsus, orijinal və ekranlaşdırılmamış olmalıdır.
Sənədlər 1 oktyabr 2025-ci ildən 1 aprel 2026-cı ilədək həm elektron formada ([email protected] ünvanına “Sən ey uşaqlıq” başlığı ilə), həm də çap variantında (iki nüsxə, Azərbaycan Kinematoqrafçılar İttifaqının ofisi, Bülbül prospekti 30) qəbul ediləcək.
Finalçıların adları 15 iyul 2026-cı ildə, qaliblərin adları isə 2 avqust 2026-cı ildə açıqlanacaq. Birinci, ikinci və üçüncü yerlərin qalibləri müvafiq olaraq 5000, 3500 və 2500 manat pul mükafatı və diplomla təltif olunacaqlar.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər