Rejissor Samir Kərimoğlunun “Sözün varsa, de!” adlı tammetrajlı bədii filmi hazırda çəkiliş mərhələsindədir.
Kulis.az xəbər verir ki, “Seyidbəyli film” tərəfindən istehsal olunan ekran əsərinin xronometrajı 120 dəqiqə olaraq nəzərdə tutulub.
Dram janrında olan layihənin rejissoru və ssenari müəllifi Samir Kərimoğlu, quruluşçu operatoru İman İmanov, quruluşçu rəssamı Səbuhi Atababayev, bəstəkarı Nazim Məmmədov, baş prodüser Seymur Seyidbəyli, icraçı prodüser Hacıağa Qurbanov, xətt prodüseri Murad Muradov, qrim rəssamı Səda Cəlil, geyim rəssamı Olqa Şabanovadır. Rollarda Gülzar Qurbanova, Rəşad Mikayılzadə, Aygün Fətullayeva, İffət Əsgərov, Səmimi Fərhad, Niyaz İlyasoğlu və digər aktyorlar çəkilirlər.
Filmin qısa məzmununa görə, “Sözün varsa de!” milli-mənəvi dəyərləri, klassik söz ədəbiyyatını və zəngin folklor irsini müasir kino dili ilə təqdim edən dramdır. Süjetin mərkəzində səmimi və çətin sınaqlardan keçən bir sevgi hekayəsi dayanır. Bu sevgi yalnız qəhrəmanların taleyini deyil, illərdir davam edən köhnə düşmənçiliyin gedişatını da dəyişir. Film göstərir ki, nifrətdən doğulan münaqişələr yalnız səmimi söz, anlayış və bağışlamaqla sona çata bilər.
Film Azərbaycan Respublikasının Kino Agentliyinin dəstəyi ilə çəkilir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər