Kulis.az Kərim Kərimlinin “Ən qısa hekayə” müsabiqəsinə göndərdiyi “Çatı” (425 işarə) hekayəsini təqdim edir.
…Sandıqdan bir dəstəli çatı çıxarıb qarşıma qoydu:
- Bunu apar muzeyə ver. Daha bizə lazım olmadı, – dedi.
Dodaqları səyriyirdi.
Bu bacımın cehiz çatısı idi. Kəndimizdə cehiz dəstində ərsindən, xəmir süfrəsindən, dördayaqdan, oxlovdan tutmuş həvəyə - kirgidədək hər şey olurdu.
...Al-əlvan çatını qarşıma qoyub, muzeyə zəng edirəm:
- Sizə bir çatı gətirmək istəyirəm. Bacımın hədiyyəsidir.
- Çati nedür?
- Çatı də, başı qotazlı, gözəl səhəng çatısı...
- Kotaz nedür?
- Bağışlayın, səhv düşmüşəm...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər