2013-cü ilin ədəbiyyat üzrə Nobel mükafatı kanadalı yazıçı Alice Munroya verilib.

Kulis.Az-ın verdiyi məlumata görə, Alice Munro 1931-ci ildə anadan olub.

Nobel Komitəsi "müasir qısa hekayə janrındakı ustalığına görə" Alice Munronu qalib elan edib.

Alice Munronu "Kanadanın Çexovu" adlandırırlar. On üç hekayə kitabından başqa bir roman müəllifidir.

Hekayələrində Kanadanın kiçik qəsəbələrində yaşayan insanların həyatlarından bəhs edən Munro sevgi və ölüm kimi mövzuları ön plana çıxarıb.

Munronun hekayələrində ana xəttində qadınlar dayanır. Ana-qız, qız-ana-nəvə, ata-qız münasibətləri Munro yaradıcılığının əsasını təşkil edir.

Munronun qadın obrazları mədənidir, kitab oxuyandır, Virciniya Vulf, Ceyms Coysu oxuyub müzakirə edirlər.

Məsələn, “Kortes Adası” hekayəsindəki kiçik gəlin obrazı yazıçı olmağa çalışır. “Bəzi qadınlar” kitabındakı “Hekayə” adlı yazısında da yazıçı olan Kristinadan danışılır.

Alice Munro 78 yaşında "Man Booker" alıb.

Qadın yazıçının Türkiyədə “Cocuklar kalıyor” (The children stay), Bazı kadınlar (orijinalda kitab başqa içindəki başqa hekayə ilə adlandırılıb: “Too Much Happiness”), “Kaçak” (Runaway) kitabları çap edilib.

Rus dilində "Настоящая жизнь", "Личо" və “Жребий” hekayələri çap olunub.

• Məcnun yenidən səhrada - Bu dəfə təqaüd kartı ilə
• Məşhur bəstəkar vəfat etdi
• Şairlərimiz beynəlxalq festivalın laureatı adına layiq görülüb