Mona Lizanın gülüşü yerin altında axtarılacaq.

Sənət

Ana səhifə
Sənət

Mona Lizanın gülüşü yerin altında axtarılacaq.

12 aprel 2011

11:01

Mona Lizanın sirrinin açılmasına cəhdlər davam edir. Kimisi şəkildəkinin elə Leonardo da Vinçinin özünün olduğunu, kimisi Da Vinçinin qonşusunun modellik etdiyi deyir.

Kulis.az “Cümhuriyyət”-qəzetinə istinadən verdiyi xəbərə görə, alimlər daha bir araşdırmaya başlayıb. Belə ki, Mona Liza olaraq çəkildiyi ehtimal olunan Liza Gerardininin məzarı və sümükləri tədqiq olunacaq.

Bəs Liza Gerardini kimdir? O, florensiyalı tacir Fransesko del Cokondanın həyat yoldaşı olub. Ərinin ölümündən sonra kilsədə yaşamağa başlayıb. Elə sözü gedən araşdırmalar da Florensiyadakı Müqəddəs Orsola kilsəsində aparılacaq.

Onun meyidinin yerini müəyyənləşdirmək isə asan olmayacaq. O vaxtlar kilsədə yaşayanların meyidləri kilsənin altında basdırılırmış. 1980-ci ildə isə həmin kilsədə təmir aparılıb. 2010-cu ildə tədqiqat aparan ingilis jurnalist təmir zamanı bəzi meyidlərin kilsədən çıxarıldığını iddia edir. Bəlkə elə Cokondanın da meyidi onların arasında olub?

Alimlər Romada mətbuat konfransı keçiriblər. Onlar Lizanın müasiri sayılan rəssam, yazar, tarixçi və memar Corcio Vasarinin əsərlərinə də müraciət ediblər. Corcio Vasari Liza Gerardini barəsində yazan ilk tarixçi olub.

Tədqiqatçılar Liza adlı birinin yaşayıb-yaşamamağı barədə də araşdırma aparıblar. Liza haqqında məlumata təkcə Vasarinin deyil, digər florensiyalı tədqiqatçı Cuzeppe Pallantinin də arxivində rast gəliblər. Cuzeppe Pallatini Lizanın intibah dövrü Florensiyasında 1540-cı illərdə yaşadığını yazıb.

Pallantinin arxivində Müqəddər Orsola kilsəsi haqqında məlumatlara da rast gəlinib. O, bu kilsənin 1810-cu ilə qədər kilsə, 1810-cu ildən sonra tütün anbarı olaraq fəaliyyət göstərdiyini yazıb. 1940-cı illərdə müharibədən xeyli dərəcədə zərər çəkən kilsə artıq tamamilə kimsəsiz yerə dönüb.

2372 dəfə oxunub

Paylaş

Oxşar xəbərlər

50 mindən çox əsər yaratdı, kommunistlərə qoşuldu, şeir yazdı... - XX əsrin dahi rəssamı haqqında maraqlı faktlar

16:00 8 aprel 2026

Uşaqlıqda cinsi zorakılıqla üzləşdi, əsərləri qadağan edildi... - Prezidentin andiçmə mərasimində şeir oxuyan ilk afroamerikalı qadın yazıçı

15:00 5 aprel 2026

"Sən demə, ata öz arvadı ilə yenidən nikah bağlamaq üçün..." - Professor "Lal ev"dən yazdı

12:00 5 aprel 2026

Sənət