Poeziya

Sənə dönmüşəm, Xanım... - Qulu Ağsəsin yeni şeiri

Sənə dönmüşəm, Xanım... - Qulu Ağsəsin yeni şeiri
8 noyabr 2025
# 12:00

Kulis.az Qulu Ağsəsin yeni şeirini təqdim edir.

Tavanı – göy şüşəli,
Döşəməsi – meşəli...
Ovçunun yuxusunda
Marala bənzəyir o.
Dağların yaxasında
Medala bənzəyir o.
Burda bahar payızı,
Qış yayı məst eləyir.
Bu yerlərin havasın,
Bu göylərin yağışın
Üzeyir bəstələyir.
Burda doğulmur adam
Əkilir şitil kimi.
Adladım yurddan yurda
Şütüyən sətir kimi.
Gəzdim düzü, dünyanı
Bu düz – dünya tükəndi.
Sənə dönmüşəm, Xanım,
Sənə dönmüşəm, kəndim.
Dünyada nələr gördük
Həyatımız baş-ayaq:
Yaşamaq vaxtı öldük,
Ölmək vaxtı yaşayaq!
Tavanı – göy şüşəlim,
Döşəməsi – meşəlim...

Qulu Ağsəs şeirlər poeziya
Qulu Ağsəs
Qulu Ağsəs
# 3977 dəfə oxunub

Oxşar xəbərlər

"Gözəlləri öz taxtından salardım..." - Azərbaycanın ilk qadın Xalq şairindən sevgi şeirləri

"Gözəlləri öz taxtından salardım..." - Azərbaycanın ilk qadın Xalq şairindən sevgi şeirləri

15:00 19 avqust 2026
"Bu küçədə yaşayan adamların qalıqlarıyıq... "- Alik Əlioğlunun şeirləri

"Bu küçədə yaşayan adamların qalıqlarıyıq... "- Alik Əlioğlunun şeirləri

17:30 18 avqust 2026
"Səfeh bir eşq ucundan batıb gedirsən..." - İlqar Fəhminin şeirləri

"Səfeh bir eşq ucundan batıb gedirsən..." - İlqar Fəhminin şeirləri

17:00 18 avqust 2026
"Məni endirməyin yerə, amandır..." - Bəxtiyar Vahabzadənin şeirləri

"Məni endirməyin yerə, amandır..." - Bəxtiyar Vahabzadənin şeirləri

14:00 16 avqust 2026
"Heç kim bizim kimi sevə bilmədi..." - Edqar Allan Podan həyat yoldaşına

"Heç kim bizim kimi sevə bilmədi..." - Edqar Allan Podan həyat yoldaşına

13:30 15 avqust 2026
"Gündüz içki içirəm, gecə yuxu yatmıram" - Sevinc Yunuslunun şeiri

"Gündüz içki içirəm, gecə yuxu yatmıram" - Sevinc Yunuslunun şeiri

12:30 15 avqust 2026
#
#
Ana səhifə Yazarlar Bütün xəbərlər
Canlı yayım