Kulis.az Gülsadə İbrahimlinin "Elgün üçün susma!" şeirini təqdim edir.
"12 May Elgünün meyiti tapıldı!"
"Bir qız öldürüldü!"
"Bir uşaq çaya atılıb!"
Bir uşaq!...
Bir uşaq!...
Manşetləri ölüm xəbərləri bəzəyir
Əl-əl gəzən görüntülərdən ürpənmirik...dinmirik!
Xəbər başlıqlarından ibarət olmuş "Gələcəyimiz"
vicdansız döngünün qurbanıdır.
Qorxuram! Ana kimi qorxuram,
Müəllim kimi qorxuram, qadın kimi qorxuram!
Gərçəklər pərdələnib,
Günahların üzü sırtıq
Susduğumuz üçün qatilik!
Bir uşağın iniltisi qədər çarəsizdir cəsarətimiz,
insanlıq öldürülüb bir məsumun bədənində
Dilsiz meyitlərin sirləri kimi kimi susub vicdanımız.
"Məndən ötdü"- demişdi ustad yana-yana,
"Məndən ötdü" deyə-deyə daş bağladıq ağrımıza.
Əli qanlı cinayətkarın azadlığı qədər haramdır susmaq!
Susmaq!
Susmaq!...
Susa-susa öldürürük doğduqlarımızı,
Suda boğduqlarımızı,
Məzara qoyduqlarımızı...
Susdurulmuş vicdanların körpə qurbanları,
"Silah qurbanları",
"Nəşə qurbanları",
"Tamah qurbanları!"
Ölü keçmişdən başqa bir şey deyilik,
Biz gerçəyin üzünə lal baxan
Susdurulmuş qatilik!
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
