Mayın 21-də Heydər Əliyev Mərkəzində perulu rəssam Ronald Kompanokanın fərdi sərgisi açılacaq.
Kulis.az xəbər verir ki, 2027-cı il martın 1-dək davam edəcək “Yuxular teatrı” (The Theater of Dreams) adlı sərgidə müəllifin bir sıra əsərləri ictimaiyyətə ilk dəfə təqdim olunacaq.
Xəyali aləmə aparacaq sərginin əsas personajları təlxəklər, musiqiçilər, sehrbazlar, səyyahlar, fantastik varlıqlardır. Kompanokanın əsərləri sehrli sürrealizm fəlsəfəsi çərçivəsində yaradılıb və ziyarətçiləri reallıqla təxəyyülün zərif bir tarazlıqda qovuşduğu ecazkar kainatla tanış edir. Həmin sehrli kainat isə reallıqla təxəyyül dünyası arasındakı sərhədləri araşdıran dünyaşöhrətli rəssamlar - İeronim Bosx, Salvador Dali və Rene Maqrit kimi sənətkarların yaradıcılığına istinadən ərsəyə gəlib.
Tamaşaçıları ilə özünəməxsus bədii dildə danışan Ronald Kompanokanın əsərləri bu günədək Avropa, Amerika Birləşmiş Ştatları və Mərkəzi Amerikanın müxtəlif ölkələrində nümayiş olunub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər