Kulis.az Yuri Samovarov "Ruhun dincliyi üçün nəyi unutmamalıyıq: müdrik Ömər Xəyyamın əsas tövsiyəsi" yazısını təqdim edir.

Gec olmadan indi düşünməyə dəyər.

Əfsanəvi fars filosofu Ömər Xəyyam qısa dördlükləri – rübailəri ilə şöhrət qazanıb.

Bu rübailər həyat, sevgi, ölüm və insanın qüsurları haqqında həqiqətlərin pərdəsini bir qədər aralayır və bu gün də insanın özünə verdiyi bir çox suallara cavab mənbəyi olaraq qalır.

Belə rübailərdən biri insanın ruhunda həmişə yüngüllük və sakitlik olması üçün həyatı necə yaşamalı olduğunu xatırladır.

Biz bir daha bu dünyaya geri dönməyəcəyik,
Yenə dostlarla bir süfrə arxasında görüşməyəcəyik.
Elə isə uçub gedən hər anı dəyərləndir —
Onu sonradan tutmaq mümkün olmayacaq.

İnsan həyatı çox vaxt onun əsas mərhələlərinə görə qiymətləndirir: karyera yüksəlişi, böyük nailiyyətlər və s.

Amma biz nadir hallarda “sakit” anlar haqqında düşünürük — təzə dəmlənmiş qəhvənin ətri, sevdiyin insanın gülüşünün istiliyi və ya səhərlər günəş işığının pəncərə pərdələrinin arasından otağa süzülməsi kimi məqamlar haqqında.

Əgər bunlar həyatın həzz anları deyilsə, bəs nədir? Araşdırmalar göstərir ki, həyatdan zövq almağı bacaran insanlar daha xoşbəxt olur və stressə daha az məruz qalırlar.

Görünür, xoşbəxtlik daha çoxuna can atmaqda deyil, artıq sahib olduqlarımıza diqqət yetirməkdədir.

Ömər Xəyyam həyatımızın necə qısa olduğunu xatırladır və vaxtın qədrini bilməyi öyrədir.

Çünki onu qorumaq və ya geri qaytarmaq heç kimin əlində deyil.

Şüurlu şəkildə yaşayaraq və hər anın dəyərini anlayaraq biz həyatımızı dinclik və xoşbəxtliklə doldura bilərik.

• "Desəydilər, sənin gəlişinlə Qarabağı azad edəcəyik, yenə getməzdim" - İllər sonra edilən etiraf
• Mircəfər Bağırovun onu həbs edəcəyi qorxusu ilə yaşayan böyük sənətkar
• Azərbaycanlı yazıçının əsəri beynəlxalq ədəbi portalda