“Hürruyət” qəzeti son illər dünyada ən çox uğur qazanan 5 böyük türk sənətçisinin siyahısını hazırlayıb. Kulis.az həmin siyahını təqdim edir.

1. Selda Bağcan

60-cı illərdə başladığı musiqi karyerası ilə sənət aləmində özünəməxsus yeri vardı. Son illər qatıldığı beynəlxalq festivallar nəticəsində daha da çox diqqət mərkəzinə gəldi. O, yeni nəslə qəribə gəlsə də, dünya səviyyəli müğənnidir.

2. Fatih Akın

2004-cü ildə Berlin Kinofestivalının “Qızıl ayı” mükafatını və 2007-ci ildə Kann Film Festivalının Ən yaxşı ssenari mükafatını alaraq dünya kinosunda öz yerini aldı. Geniş kütlə tərəfindən tanınmasa da sənətsevərlərin qürur mənbəyi olan ssenarist-rejissor bu gün də yaradıcılıq fəaliyyətini uğurla davam etdirir.

3. Orxan Pamuk

Yəqin ki, 2006-cı ilin Nobel ədəbiyyat mükafatının adını çəkmək kifayətdir. Dünyanın yüzdən artıq ölkəsində kitabı yayımlanan yazıçının tirajı 20 milyona yaxınlaşır. Xatırladaq ki, o, ədəbiyyat sahəsində ilk Nobel alan türk yazıçısıdır.

4. Nuri Bilge Ceylan

Onun qazandığı müjafatı bir idmançı qazansaydı indi bir çox küçələrə adı verilmişdi. Bəlkə, adını daşıyan bir universitet də olardı. Özü bütün bunların fərqində deyil, əlbəttə ki! Növbəti filmləri üzərində işləyir və tamaşaçılar da maraqla gözləyir.

5. Fazıl Say

O, Türkiyəni dünyada deyil də, dünyanı Türkiyədə təmsil edir. Musiqi kareyerası boyunca yaratdığı saysız-hesabsız əsərlərlə planetimizdə almadığı mükafat, konsert vermədiyi yer qalmayıb.

• Ceyrana görə Fransaya gedən yazıçı - Çingiz Aytmatov ona məktubunda nə yazmışdı?
• Şou-biznesdə növbəti tarix yazıldı - “Best of Aygun 40”
• Aşıq Hüseyn Saraçlının 110 illiyinə həsr olunan tədbir keçirildi