Rok dünyasının əfsanəsi Kurt Kobainin ölümü ilə bağlı yeni bir iddia ortaya çıxıb. Kulis.Az-ın türk mətbuatına istinadən verdiyi xəbərə görə Con Potaşın “Drugs as Weapons Against Us” adlı kitabında Nirvana qrupunun 27 yaşında həyatla vidalaşan solistinin narkotik aludəçisi halına gətirildikdən sonra ABŞ kəşfiyyatı tərəfindən öldürüldüyü yazılıb.

Kitabın müəllifi narkotik aludəçisi olan Kurt Kobainin 1994-cü ildə intihar etdiyi xəbərlərinə alternativ açıqlama gətirib: “Sənədlər təsdiq edir ki, ABŞ kəşfiyyatı narkotikin təbliğatına görə Kobaindən istifadə edib”.

Eyni zamanda kitabın müəllifi narkotikdən istifadə edən Kobainin Amerikada narkotikanın populyar hala gətirilməsinə kömək etdiyini və həmçinin solçu olmasının ABŞ kəşfiyyatının xoşuna gəlmədiyini, bu səbəbdən diqqət çəkdiyini qeyd edib.

Bu iddiadan sonra başqa bir xəbərdə Con Lennon, Cimi Hendriks və Tupak kimi əfsanə adların da sol baxışları ucbatından CIA-nın hədəfində olduğu bildirildi.

Kurt Kobainin ölümü ilə bağlı daha əvvəl də bir çox iddialar ortaya atılmışdı. Kobainin qanında tapılan eroinin miqdarının həddindən artıq çox olduğu və bu qədər narkotik qəbul edən adamın tüfənglə özünü öldürə biləcəyinin mümkünsüzlüyü iddialar arasında öz yerini tutur.

Başqa bir iddiada isə deyilir ki, Kobainin barmaq izləri ətrafdakı heç bir əşyada tapılmayıb.

Daha sonrakı iddia isə Kobainin intihar məktubu ilə bağlıdır. Məktubun girişindəki “Boddah” sözünün (Kobainin uşaq vaxtı xəyalında yaratdığı dostunun adı) başqa bir əl tərəfindən yazıldığı qeyd olunur.

Bütün bunlar onun ölümünü daha da sirli edir.

• "Anar Məmmədxanov mənə “Moruq” deyirdi" - “Bacanaqlar”ın “Qismət”i ilə müsahibə
• Çingiz Abdullayev: "Müharibə mövzusunda yazan yazıçılara dəstək göstərilməlidir"
• Barat Vüsalın 75 illik yubileyi münasibətilə ədəbi-bədii gecə keçirildi