Aktrisa İlahə Həsənova 15 ci Beynəlxalq Kazan Film Festivalının “ən yaxşı qadın rolu” nominasiyasında qalib olub.

Kulis.az-ın verdiyi xəbərə görə, aktrisa İlqar Nəcəfin “Nar bağı” filmində baş roluna görə mükafatlandırılıb.

Filmlə bağlı təəssüratlarını bölüşən aktrisa bunları söyləyib: “Mən heç filmin festivala göndərildiyini bilmirdim. Bundan əvvəl eyni nominasiyada Türkiyədə keçirilən Antakya Beynəlxalq Film Festivalının mükafat qazanmışam. Bilirsiniz, mükafatlar haqda elə də məlumatlı deyiləm. “Nar bağı” mənim ilk və hələlik son tammetrajlı filmimdir. Bundan əvvəl qısametrajlı filmlərə çəkilmişəm.”

Xatırladaq ki, Rusiya, Qazaxıstan, İran, Keniya, Xorvatiya, Serbiya, Almaniya, Tacikistan, Türkiyə, Danimarka, Cənubi Koreya kimi ölkələrin qatıldığı Kazan Film festivalında 40 dan artıq film iştirak edib.

“Azərbaycanfilm” və “Buta Film” kino şirkətinin birgə istehsalı olan “Nar bağı” filmi Minsk (Belarus), Malatya (Türkiyə), Avrasiya (Qazaxıstan), Asiya və Sakit okean hövzəsi ölkələrinin Kino Akademiyasının əsas mükafatlarını qazanıb.

Filmin ssenari müəllifi Asif Rüstəmov, İlqar Nəcəf, Roelof Minnebo, operatoru Ayhan Salar, bəstəkarı Firudin Allahverdidir.

“Nar bağı” aktrisa İlahə Həsənovanın ilk tammetrajlı kino debütüdür. İlahə karyerasını Yuğ teatrında başlayıb və hazırda Akademik Dram Teatrında çalışır.

• Bu gün Beynəlxalq Abidələr və Tarixi Yerlər Günüdür
• Xalq yazıçısı Elçin: "Mən Mehriban Ələkbərzadəni tərifləmirəm, onu..." - Müsahibə
• Muğam Televiziya Müsabiqəsi başlayır