BSU-nun tələbələri Turan Əzimli və Vəfa Vəliyevanın tərcüməsində 9 yaşlı polyak yazar Zuzana Kavanın “Anya Vud axtarışda” adlı kitabı çap olunub. Kulisin məlumatına görə kitab “Mütərcim” nəşriyyatında işıq üzü görüb.

Hələ mürəkkəb süjetli detektiv ədəbiyyat oxumağa hazır olmayan uşaqlar üçün nəzərdə tutulan bu kitab, azyaşlı məktəblilərin təxəyyülünün inkişafına zəmin yaradacağı şübhəsizdir.

Əsərin balaca qəhrəmanı 9 yaşlı Anya Vud özünü xəfiyyə kimi təsəvvür edərək məşhur cinayətkarları bir-bir ifşa edib, ələ keçirir.

Bu kitabın qiyməti ondadır ki, oxucular hələ balacalıqdan sağlam cəmiyyət yaratmaq naminə öz bilik və bacarıqlarını təqdim etməyə, hazırlanır, nadir peşələrdən biri olan detektiv sənətinə maraq yaradır. Həmçinin kitabın dili uşaq şüuruna uyğun olduğu üçün oxucular özlərini hadisələrin içində hesab edirlər.

Qeyd edək ki, Zuzana Kava “Təhsil Asossasiyası” İctimai məktəbinin 2-ci sinif şagirdi, “Gündəlik düzgün polyak dili” IX Ümumpolyak dili müsabiqələrinin laureatıdır.

İnanırıq ki, Zuzana Kavanın çoxsahəli fəaliyyəti, uğurları ilə birgə qələm təcrübəsinin özü də balaca oxucular üçün gözəl örnək olacaq.

Tələbələrin tərcümə sahəsindəki ilk fəaliyyətləri olan “Anya Vud axtarışda” kitabı yaxın günlərdə oxuculara təqdim olunacaq.

• “Uzaq sahillərdə” filmi Berlində bərpa olunub
• Anqolanın ilk prezidenti niyə Moskvada öldü? - Tarixin kulisi
• Deyəsən, bu hekayələri yazıçılar yox, beşinci sinif şagirdləri yazıb - "Pişiyə qalib gələn qəhqəhələr" haqqında