Martın 19-da Xalq yazıçısı Vaqif Səmədoğluna Azərbaycan Yazıçılar Birliyinin “Nəsimi” mükafatı təqdim olunub.

Bu mükafatın verilməsi birmənalı qarşılanmır. Çünki “Nəsimi” adlı başqa bir ədəbiyyat mükafatı da var. Bu mükafatı isə 6 il əvvəl şair Zahir Əzəmət təsis edib.

Bir ölkədə eyni adlı iki ədəbi mükafatın olmasına münasibət bildirən Zahir Əzəmət deyir ki, mükafatı onlar birinci təsis ediblər. Onların “Nəsimi” mükafatının 6 yaşı var: “AYB isə ikinci dəfədir bu mükafatı verir. Ən maraqlı məqam orasıdır ki, Vaqif müəllimə biz də “Nəsimi” mükafatı vermişik. Amma AYB-nin plagiatlığı məni təəccübləndirmədi. Nə deyim, vallah. Mükafatı alanlara sayğısızlıq olmasın deyə, bir şey demədik. Onların nə günahı? Hər halda yaxşı hal deyil. Əlbəttə, AYB-dən kimsə deyə bilər ki, Nəsimi heç kimin inhisarında deyil. Olsun. Məsələ, ideyadadır. Mədəni desək, yaraşdırmadım.”

AYB mətbuat xidmətinin rəhbəri Xəyal Rza isə Zahir Əzəmətin təsis etdiyi mükafatdan xəbərlərinin olmadığını bildirib. AYB-nin mükafatına 5000 manat məbləğində pulun da daxil olduğunu bildirən Xəyal Rza onun iki ildən bir təqdim edildiyini, birinci dəfə İsa Hüseynova verildiyini bildirib.

• Niyazinin övladlığını rədd edən, beş uşağını itirən müğənnimiz kimdir?
• Yetim böyüyən, dostlarını qapıdan qovan Əməkdar artist kimdir?
• “Nesvij – dünya mədəni irsi” sərgisi açılacaq