"Ulduz" jurnalının iyul-avqust nömrəsi işıq üzü görüb.
Kulis.az xəbər verir ki, nəşrin bu nömrəsində Qulu Ağsəsin “Bircə kəlmə: Hicran” və Təranə Vahidin “Yaşıl elegiya” yazıları ilə jurnalın mərhum şöbə redaktoru, yazıçı-publisist Hicran Hüseynovanın xatirəsi yad olunur.
“Şeir vaxtı” rubrikasında Həmid Herisçi, Seyyidəli Sübhi, Cavid Fərzəli, Zaman Piriyev, Şəfəq Sahibli və Zaur Ərmuğanın yeni poeziya nümunələri təqdim edilir.
“Nəsr” rubrikasında Nemət Mətinin “Zəlzələ”, Əli Bağışın “Dörd tabut”, Əli bəy Azərinin “Messi” və Sadiq Qarayevin “Çalası” hekayələri dərc olunub. Oxucular “Tərcümə saatı”nda çeçen yazıçısı Səid-Həsən Katsayevin “Qaranlıqda” hekayəsini Seyfəddin Hüseynlinin tərcüməsində oxuya bilərlər.
Jurnalda gənc ingilis ədəbiyyatı mütəxəssisi Alsunun araşdırdığı “Beş əsrdir yaşayan dahi: Şekspir haqqında bilinməyən 15 fakt” başlıqlı yazı yer alıb. “Ədəbi fraqmentlər” rubrikasında tənqidçi Vaqif Yusiflinin “Şəhidlər – Qəhrəmanlar” sərlövhəli məqaləsi, İlahə Səfərzadənin “Məti Osmanoğlu ilə tamamlanmamış söhbət” müsahibəsi, Anar Seyidağa, İbrahim Yusifoğlu və Qəhrəman Kamiloğlunun şeirləri, eləcə də Qalib Arifin hekayəsi dərc edilib.
“Dərgidə kitab” rubrikasında Hafiz Ataxanlının “Varlıq və yoxluq” fantasmaqorik povesti, “Dərgidə sərgi”də isə rəssam Məryəm Məmmədzadənin rəsm əsərləri təqdim olunur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər