Tokionun yaxınlığında iyunun əvvəlinə qədər – bir ay davam edəcək "Qızılgül həftəsi" festivalı başlayıb.
Kulis.az xəbər verir ki, festival mayın 2-də Yaponiyanın Yokohama şəhərində start götürüb.
Tədbirin mərkəzi okean sahilindəki "Yamaşita" parkı və ona bitişik olan "Liman görünən təpədəki park"dır. Ümumilikdə parkda 160 növə aid 2 min qızılgül kolu var.
Okean sahilindəki mənzərə və nəhəng qızılgül qapıları
Bundan əlavə, parkda dibçək gülləri, qızılgül və digər bitkilərin qələmlərini almaq mümkün olan müvəqqəti bazar təşkil edilib. Agentlik vurğulayır ki, ziyarətçilər arasında Tokiodan uşaqları ilə gələnlər çoxluq təşkil edir. Parka ən yaxın stansiyada isə çıxış üçün böyük növbə yaranıb.
"Liman görünən təpədəki park"da dırmaşan ağ qızılgüllərdən ibarət nəhəng qapılar, eləcə də "qızılgül kaskadı" – fərqli hündürlüklərdə yerləşən və aşağıya doğru uzanan, eyni anda çoxlu sayda çiçək açmış kolu görməyə imkan verən gül yataqları bəzədilib.
Şəhər boyu davam edən bayram əhvali-ruhiyyəsi
Festivalda həmçinin qızılgüllər və onlardan hazırlanmış kompozisiyalarla bəzədilmiş şəhər parkları, xiyabanlar, ticarət mərkəzləri və inzibati binaların ətrafındakı zonalar da iştirak edir.
"Qızılgül həftəsi" günlərində Yokohamada konsertlər, rəqs kollektivlərinin çıxışları planlaşdırılır. Eyni zamanda, şəhərin digər parklarında da müvəqqəti gül bazarlarının fəaliyyət göstərəcəyi bildirilir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
