Tacikistanın “faraj. tj” portalında böyük Azərbaycan bəstəkarı, SSRİ Xalq artisti, Sosialist Əməyi Qəhrəmanı, Dövlət mükafatı laureatı Fikrət Əmirovun 100 illiyi münasibətilə tacik dilində material yerləşdirilib.
Kulis.az xəbər verir ki, məqalədə Fikrət Əmirovun həyat və yaradıcılığı haqqında ətraflı məlumat verilir.
Qeyd olunur ki, F. Əmirov Gəncədə əslən Şuşadan olan xanəndə və bəstəkar Məşədi Cəmil Əmirovun ailəsində dünyaya gəlib.
Bildirilir ki, Fikrət Əmirovun bəstəkar kimi formalaşmasında o dövrün sənətkarlarının, yaşadığı mühitin mühüm təsiri olub. Fikrət Əmirovun bəstəkarlıq sənətinə yiyələnməsinin təşəbbüskarı müasir Azərbaycan musiqi mədəniyyətinin qurucusu Üzeyir Hacıbəylinin olduğu qeyd edilir.
Yazıda Fikrət Əmirovun həyatı, yaradıcılığı, əsərləri, operaları, baletləri, simfonik muğamları, vokal əsərləri, musiqili komediyaları, teatr tamaşaları və kinofilmlərə yazdığı musiqilər haqqında məlumatlar öz əksini tapıb.
Vurğulanır ki, Fikrət Əmirovun ən uğurlu əsərlərindən biri onun simli orkestr üçün yazdığı "Nizami" simfoniyasıdır. Bu simfoniya dünyanın ən məşhur dirijorlarının rəhbərliyi ilə ifa olunub.
Qeyd olunur ki, Azərbaycan Dövlət Mahnı və Rəqs Ansamblı, Gəncə Dövlət Filarmoniyası, Bakı, Gəncə və Sumqayıt şəhərlərində fəaliyyət göstərən bir sıra musiqi məktəbi Fikrət Əmirovun adını daşıyır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər