Azərbaycan Dövlət Akademik Filarmoniyasının Kamera və orqan musiqi zalında “Simurq” uşaq musiqi festivalının qala-konserti və mükafatlandırma mərasimi keçirilib.
Kulis.az xəbər verir ki, layihənin müəllifi və rəhbəri, Azərbaycan Dövlət Uşaq Filarmoniyasının direktoru Səidə Tağı-zadə və Xalq artisti, pianoçu Yeganə Axundova iştirakçıları təbrik edərək onlara uğurlar arzulayıblar. Qeyd olunub ki, layihə iştirakçıları müxtəlif ölkələrdən olan tanınmış, peşəkar pedaqoqların, musiqiçilərin ustad dərslərində iştirak ediblər. Həmçinin gənc ifaçılara peşəkar səhnə davranışına dair təlimlər keçirilib.
Sonra Səidə Tağı-zadə iştirakçılara diplom və sertifikatlar təqdim edib.
İştirakçılardan İnci Hümbətova, Uğur Nəbi, Fəxriyyə İsgəndərova, Xədicə Cahangirova, Pərviz Bağırov, Viktoriya Abbasova, Suada İşıkkent və Fidan İbrahimovaya sertifikatlar təqdim olunub. III dərəcəli mükafatlar İnci Həsənli və İnci Abbasova Azərbaycan Dövlət Uşaq Filarmoniyasının solo konsertlərində, müxtəlif layihələrdə, eləcə də gələcək master-klaslarda iştirak hüququ qazanıblar. II dərəcəli mükafatın sahibi Nuray Şahməmmədli Monteneqroda keçirilən Mira Marçenkonun yay məktəbinə səfər, I yerin sahibi Aydan Nuriyeva isə Parisdə Azərbaycan evində solo konsert proqramı ilə çıxış etmək hüququ qazanıb.
Daha sonra layihənin qalibləri, eləcə də Yevgeniya Epşteyn (İsrail-Xorvatiya) və Səidə Tağı-zadə Azərbaycan və Avropa bəstəkarlarının əsərlərindən ibarət maraqlı konsert proqramı təqdim edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər