Kulis.az şair kimi tanınan, ancaq nəsr əsərləri də yazan müəllifləri diqqətinizə çatdırır.

Əli Kərim

Əslində şeirlərinin bir çoxu süjetlidir. Və bu süjet onu nəsrə çəkmişdi. “Pillələr” adlı bir romanı çap olunub.

Eldar Baxış

Eyni sözləri Eldar Baxış haqda da deyə bilərik. Şeirlərində epik təfəkkür var. Onun romanı isə çap olunmadı. Sadəcə yaxın dostları bunu bilirdi.

Fikrət Qoca

“Dayanacaqda görüş” povesti şeirləri ilə birgə çap olunmuşdu. Doğrusu, ilk dəfə nəsr əsəri işıq üzü görsə də, diqqətdən kənarda qaldı.

Söhrab Tahir

Daha çox şair kimi tanınsa da bir çox nəsr əsərləri var. “Qonşu qızın məktubları”, “Əmanət” və başqaları buna misaldır.

Ramiz Rövşən

Şeirləri ilə paralel nəsr əsərləri də işıq üzü görüb. Onun “Diş ağrısı” povesti məşhurdur.

Əjdər Ol

Daha çox portret hekayələri ilə tanınır. Bir neçə hekayəsi ədəbi mühitdə diqqət çəkib. Hətta nəsr əsərlərinə görə mükafat da alıb.

Aqşin Yenisey

“Göləqarğısancan” adlı romanı çap olunub. Ara-sıra hekayələri də mətbuatda yayımlanır. “Alatoran” jurnalında onun “Küçə” adlı romanı da hissə-hissə çıxırdı. Lakin təbii ki, şair kimi çox tanınır. Təzəlikcə “Tarix və tale” adlı romanı da çap olundu.

Rasim Qaraca

“Əyri evin qadını”, “Mənim həyatımı yaz”, “On bir gecə”, “Zülmətdə Alatoran” kimi nəsr əsərləri yayımlanıb. İlk ikincisi hekayələr toplusudur, digər ikisi romandı.

Qəşəm Nəcəfzadə

Əsasən şair kimi tanınır. Lakin paralel nəsr əsərləri də yayımlanır.

Etimad Başkeçid

Əslində Etimad Başkeçid həm şair, həm də nasir kimi tanınır. İlk kitabı “Panoptikum”da şeir və nəsr əsərləri toplanmışdı. Daha sonra onun “Min yol mənə söylər” romanı işıq üzü gördü.

Şəhriyar Del Gerani

Şeirləri ilə diqqəti çəksə də, nəsr əsərləri də yazıb və hələ yazır. Hekayələrinə görə bir neçə dəfə mükafat da qazanıb. “İntihar hörüyü” adlı romanı çap olunub. Yeni romanı “Qara qutu” da çapını gözləyir.

Sevinc Elsevər

Yaradıcılığa şeirlə başlayıb. Pərvanə imzasıyla diqqəti çəkib. Ancaq eyni zamanda nəsr əsərləri də var. “Şəhər”, “Falçı” və uşaqlar üçün yazdığı “Donu qırmızı” adlı romanları çap olunub.

• Fazil Salayev kim idi? - “Mozalan”ın ulduzunun bilinməyənləri
• Elon Mask haqqında çəkilən film nümayiş olunacaq
• "Ana kitabımızın hafizi və yorulmaz təfsirçisi..." - Əcəba, əbədiyyət yaddaşsızlıq deməkdirmi?...