20 avqust tanınmış italyan yazıçısı, Ədəbiyyat üzrə Nobel mükafatçısı Salvatore Kvazimodonun doğum günüdür.

Kulis.az bu münasibətlə yazıçınən həyatı və yaradıcılığı ilə bağlı maraqlı faktları təqdim edir.

Salvatore Kvazimodo 1901-ci ildə Siciliyanın Modike şəhərində, dəmiryol stansiyası rəisinin ailəsində anadan olub.

Əvvəl texniki məktəbdə, sonra Roma Politexnikində oxusa da, maddi çətinliklər üzündən yarımçıq qoyub. Ekstern imtahan verərək topoqraf ixtisası alıb.

Qaynı - yazıçı Elio Vittorini vasitəsilə 1929-cu ildən ədəbi çevrələrə yaxınlaşıb. İlk şeirləri “Solaria” jurnalında çap olunub.

İlk şeirlərindən cəmi 3 il sonra Florensiyanın “Antico Fattore” mükafatını alıb.

İtalyan faşizminə heç vaxt rəğbət bəsləməyib. 1939-cu ildə “Tempo” jurnalının baş redaktoru olub.

1942-ci ildən Milan konservatoriyasında italyan ədəbiyyatı professoru işləyib.

Homer, Sofokl, Esxil, Vergili, Katull, həmçinin ispan və amerikalı şairlərin əsərlərini italyan dilinə çevirib

Müqavimət hərəkatına qoşulub və həbs olunub. 1945-ci ildə Kommunist partiyasına üzv olsa da, sifarişli şeir yazmaq istəmədiyindən əlaqəni kəsmişdi.

1958-ci ildə sovetlərin dəvəti ilə Moskvada yarım il yaşamışdı.

1959-cu ildə “zəmanəmizin faciəli təcrübəsini klassik sanballılıqla ifadə edən lirikasına görə” Ədəbiyyat üzrə Nobel mükafatı alıb.

Bu qərar hətta İtaliyada da təəccüb və mübahisə doğurmuşdu.

Messina və Oksford universitetlərinin fəxri doktoru olub. Ömrünün son illərində Asiya və Avropada mühazirələr oxuyub.

O, antik köklərə bağlı hermetizm cərəyanının nümayəndəsi sayılır, amma sənətkarlıq baxımından Montale, Eliot və Yetslə müqayisədə zəif hesab olunur.

Yazıçı 1968-ci ildə İtaliyanın Napoli şəhərində vəfat edib.

• Məşhur reper yeni mahnısını anasına həsr etdi
• "Yaddaş, parçalanma və ayrılığın mümkünsüzlüyü..." - Sadra Abdollahi Hədiyyə Şəfaqətin romanı haqqında
• Hollivud aktyoruna silahlı basqın: "Sevimli yalançılar"ın ulduzu vəhşicəsinə döyülərək soyuldu