Müslüm Maqomayev adına Azərbaycan Dövlət Akademik Filarmoniyasında dirijor, Əməkdar artist Əyyub Quliyevin rəhbərliyi ilə Qara Qarayev adına Azərbaycan Dövlət Kamera Orkestrinin növbəti konsert proqramı olub.
Kulis.az xəbər verir ki, proqramda Azərbaycan bəstəkarlarının zəngin yaradıcılığını əks etdirən əsərlər səsləndirilib.
Konsert proqramı görkəmli bəstəkar Qara Qarayevin “Sonatina” əsəri ilə başlayıb. Bu əsər simli kvartet üçün Fərəc Qarayev tərəfindən işlənib.
Sonra Elnarə Dadaşovanın piano və orkestr üçün “Prelüd” əsəri ifa olunub. Konsertdə Məmmədağa Umudovun “Rəqs-fantaziya” əsəri də səslənib.
Proqramın növbəti hissəsində Cavanşir Quliyevin simli orkestr üçün 4 nömrəli “Dastan” simfoniyası səsləndirilib. Əsərdə solist olaraq violin ifaçısı Surə Rüfət çıxış edib.
Sonda Firəngiz Əlizadənin “Rəqs” əsəri ifa edilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
