“Müstəqillik dövrünün ən yaxşı hekayələri” kitabı “Park” Nəşriyyatında çapdan çıxıb.
Kulis.az xəbər verir ki, kitabda 33 müəllifdən, ümumilikdə 33 hekayə toplanılıb.
“Müstəqillik dövrünün ən yaxşı hekayələri” kitabı 90-cı illərdən bu günə qədər Azərbaycan hekayəçiliyinin seçilmiş nümunələrini toplayır. Topluda insan talelərinin mürəkkəbliyi, sosial dəyişikliklər və yeni həyat tərzinin doğurduğu ziddiyyətlər ədəbiyyat dili ilə təqdim olunur.
Müəlliflər öz əsərlərində müasir dövrün problemlərinə bədii prizmadan yanaşırlar. Hekayələrdə həm fərdi hisslər, həm də ictimai ovqat öz əksini tapır. Müxtəlif nəsillərə mənsub yazıçıların qələmi ilə formalaşan bu mətnlər ədəbiyyatımızın zənginliyini nümayiş etdirir.
Toplu həmçinin müasir Azərbaycan hekayəçiliyinin üslub müxtəlifliyini və bədii eksperimentlərini özündə birləşdirir. Oxucu kitabı vərəqlədikcə, müstəqilliyin ədəbi portretini görəcək. Belə bir toplu Azərbaycanda ilk dəfə nəşr olunur", - annotasiyada qeyd olunub.
Qeyd edək ki, kitab 1-7 oktyabr tarixində Bakı Ekspo Mərkəzində keçiriləcək 11-ci Bakı Beynəlxalq Kitab Sərgisində təqdim olunacaq və satışa çıxarılacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər