Macar rəssamın sərgisi açıldı – “İşığın səssizliyi”

Media

Ana səhifə
Media

Macar rəssamın sərgisi açıldı – “İşığın səssizliyi”

24 avqust 2026

14:00

Macarıstanlı rəssam və kurator Tibor İşki Koçişin Türkiyədəki ilk fərdi sərgisi olan "İşığın səssizliyi" Macar Mədəniyyət Mərkəzində ziyarətçilərin üzünə açılıb.

Kulis.az xəbər verir ki, sənətçinin təxminən 30 illik yaradıcılıq yolunu əks etdirən bu ekspozisiya insan, təbiət, mədəniyyət və kainat arasındakı dərin əlaqələri işıq müstəvisində yenidən nəzərdən keçirməyə dəvət edir.

Sərgidə Günəş, Ay və Yer arasındakı fiziki münasibət insan qavrayışının təməl təcrübəsi kimi təqdim olunur.

Ekskursiya dörd əsas motiv — monumental ay mənzərələri, gündüz və alaqaranlıq səma təsvirləri, mədəniyyət izləri və "Home” silsiləsindən taxta portretlər üzərində qurulub.

Sərgi çərçivəsində rəngkarlıq, karandaş rəsmləri, fotoqrafiya, heykəltəraşlıq və qrafika texnikalarında işlənmiş əsərlər bütöv vizual dil yaradır.

Retrospektiv xarakter daşımayan ekspozisiyada rəssamın "Supernatural", "Luna", qlobal istiləşməyə diqqət çəkən "Ekoturizm", "Home" və insanın fiqursuz mədəniyyət portretini təqdim edən "Cum dederit" silsilələrindən nümunələr yer alır.