Kulis.az Yalçın İslamzadənin yeni yazısını təqdim edir.

"Hindistanlılar təkcə inək sağmağı bilirdilər. İnəkləri bəsləyib, daha çox süd sağmadılar. Artıq hər dükan və müəssisədə "qara üzlər" var. Uqandadakı bütün böyük avtomobilləri əvvəlki kimi qaniçənlər deyil, afrikalılar sürürlər. Afrikanın qalanı da bizdən görüb-götürə bilər".

İdi Amin, Uqanda prezidenti

İdi Amin Uqandada yaşayan hindistanlıların ölkəni tərk etmələrini əmr etdi. Hindistanlılar əsasən ticarət və istehsalatla məşğul idilər. Onların məcburi deportasiyasından sonra sahib olduqları 5000-dən çox dükan və müəssisə uqandalılara verildi.

Ancaq bir müddət sonra təçhizat zənciri pozuldu, büdcəyə ödənilən vergilər kəskin azaldı, birçox müəssisə və dükan bağlandı, infilyasiya xeyli artdı.

Çünki, hindistanlını (onlara "qəhvəyi yəhudilər" deyirdi) uqandalı ilə əvəz edəndə hindistanlının bacarıq və motivasiyası avtomatik olaraq uqandalıya transfer olmurdu.

Bu həmin İdi Amindir ki, özünü "Şotlandiyanın axırıncı kralı" elan etmişdi (eyni adda kinofilm də var) və ayaqqabı almaq üçün əvvəlcədən xəbər vermədən İngiltərəyə rəsmi səfərə getmişdi.

Qısqanc qövmlər elə bilirlər ki, başqa bir qövm iqtisadi sahələri işğal edib və onlar buna görə geri qalıblar. Özlərində olmayan motivasiya və bacarıqların onlarda olduğunu qəbul etmirlər.

Hazır sistemi ələ keçirirlər, ancaq idarə edə bilmirlər. Bir sistemi qurmaq qədər, onu işlətmək və inkişaf etdirmək də bacarıq tələb edir.

• Rassel Kroudan etiraf: "Maltada kişiyə çevrildim"
• Məşhur aktrisa vəfat etdi
• Devid Linçin əşyaları 4,25 milyona satıldı