Repressiya qurbanı Teymur Salahovun qızı Zərifə Salahovanın APA-ya müsahibəsində Xalq yazıçısı Süleyman Rəhimov haqqında səsləndirdiyi fikirlər müzakirələrə səbəb olub:
"Atamdan şikayət yazıb. Mən bunu Süleyman Rəhimovun oğlu Şamo Arifə də demişəm ki, atan atamı güllələtdirib".
Məsələ ilə bağlı Kulis.az Xalq yazıçısının oğlu Aqil Rəhimovla əlaqə saxlayıb və onun iddialara münasibətini öyrənib.
Aqil Rəhimov səslənən fikirlərin həqiqəti əks etdirmədiyini deyib:
“O yalan deyir. Zərifə Salahovanın sözlərində həqiqət yoxdur.
Bu məsələni hələ Heydər Əliyevin birinci hakimiyyəti dövründə araşdırmışdılar və məlum olmuşdu ki, atamın o işdə əli yoxdur”.
Aqil Rəhimov bildirib ki, onun atasının heç kimə pisliyi dəyməyib və bacardığı qədər hamıya yaxşılıq eləyib.:
“Zərifə xanımın rəhmətlik atası yaxşı adam olmayıb. Atam olduğuna görə demirəm, bunu Süleyman Rəhimovu tanıyan yüz nəfərdən soruşsanız, deyəcəklər ki, o kişidən belə hərəkət gözləmək olmaz. Mənim atam peyğəmbər kimi adam olub, bacardığı yaxşılığı edib, bir nəfərə pisliyi dəyməyib, hələ bir nəfərin başına bir çırtma vurmayıb. Gətir, əlimi Qurana basım ki, o yalan deyir. Əgər mən yalan deyirəmsə, Allah məni şikəst eləsin”.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər