Kulis.az Aygün Əzizin təcüməsində "Koreya xalq deyimləri, atalar sözləri, zərb-məsəllər, müdrik fikirlər" yazısının birinci hissəsini təqdim edir.

DİL, NİTQ, YADDAŞ

Unu çox ələ, ancaq söhbəti kəsə elə.

Söhbət şahmat oyunu kimidir: uğurlu başlamaq çox vacibdir.

Hörük saç ayrımından, söhbətsə mübahisələrdən başlayır.

Söhbətin mənası deyilən sözlərdən asılıdır.

Yaxın adamla söhbəti nala-mıxa vurmadan başla.

Yaxın adamlar divar arxasından danışmırlar.

Mahir natiqin nitqi çay kimi axır.

Qonağı söhbətlə doydura bilməzsən.

Yaxşı danışıqla borc ödəmək olar.

Şirin soya verilən yerə get, şirin söhbətlə baş aldadılan yerə yox.

Rəvan nitq dalğa kimidir.

Dodaqlarının demək istədiyi sözü yox, ürəyində düşündüklərini söylə.

Dağılmış düyünü yığa bilərsən, ancaq deyilmiş sözü qaytara bilməzsən.

Dilin ayağı yoxdur, amma min li yol gedə bilər.

Dilin sümüyü yoxdur, ancaq insanları xurd-xəşil edər.

Dilində bal, ürəyində xəncərdir.

Dil balta üstündədir.

Dilini dişlərinin arasında saxlamağı bacar.

Mülayim danışığın sonu əksər hallarda xahişlə bitir.

Yuxu o qədər maraqlı olmur, yuxunu danışmaq maraqlı olur.

Məsləhəti dinləmək həmişə xoş deyil, amma ona əməl etmək həmişə fayda gətirir.

Tutuquşu kimi çərənləmə.

Yuxu(nu) görməmiş, danışma.

Naqqalın söhbətində həqiqət olmaz.

Özü haqqında qeybətə qulaq asmaq xəstəlik, qulaq asmamaq məlhəmdir.

Çoxunun dediyi şeyə inanmamaq çətindir.

Çərənçinin ağzına buruntaq lazımdır.

Qəbirdə belə lüzumsuz sözlər danışma.

Boş söhbətlər uşağın da yuxusunu qaçırdar.

Söz-söhbət çox olan evdə soya turş dadar.

Çərənçidən ağıllı fikir eşitməzsən.

Gəvəzəni özünlə heç balığa gedəndə də aparma.

Boş-boş söhbətlər pis musiqi kimidir.

Ağzıdağınıqlıq dəmiri də əridər.

Yol yoxdursa, getmə, mənasız sözlər danışma.

Çaya üzən vaxtı bələd olursan, insana ağzını açanda.

Hətta anamız belə qəlbimizə tam dərindən bələd deyil.

İtin nədən şikayət etdiyini bilə bilməzsən.

Söz sözü gətirər.

Gündüz quşlar, gecələr siçanlar qulaq asırlar.

Düyü qırığı ilə ağıl artmaz.

Nohur görən ördək kimi çığırır.

Elə cikkildəyir ki, elə bil sərçə yeyib.

Səhər sağsağanı kimi cikkildəyir.

Qeybətcilin söhbəti Sabok çayının sularına bənzəyir.

Özünü tərifləməyi qəbirə saxla.

Axmağın yazdığı qeydlər ağıllının yaddaşından güclü olar.

Nəyisə yadda saxlamaq üçün bulud üstündə yazmazlar.

İt sahibini bir ildən sonra da görsə tanıyacaq.

• “Şükriyyə” Tbilisidə nümayiş olunacaq
• Xoş keçən məclis - Alberto Moravianın hekayəsi
• İmperiyalara etiraz edən milliyyətçi yazıçı - İvo Andriç "Bosniya trilogiyası"nda nələri yazmışdı?