Azərbaycan "Gravity Bach" layihəsində

Media

Ana səhifə
Media

Azərbaycan "Gravity Bach" layihəsində

31 oktyabr 2025

14:50

Bu gün Bakı vaxtı ilə saat 16.15-də İohan Sebastyan Baxın orqan musiqisinə həsr olunmuş 22 saatlıq beynəlxalq "Gravity Bach" marafonu canlı yayımlanacaq.

Kulis.az xəbər verir ki, 14 konsert və 13 fasilədən ibarət layihə zamanı müxtəlif ölkələrin musiqi mədəniyyətlərinə həsr olunmuş qısametrajlı filmlər nümayiş etdiriləcək.

Azərbaycandan layihədə Bakı Müasir Musiqi Cəmiyyəti (BMMC) iştirak edir.

Layihənin bədii rəhbəri, alman prodüser Tilo Krauze Azərbaycanın video təqdimatını yüksək qiymətləndirib.

Video üzərində Türkər Qasımzadə, Rəna Fəhradova, Orxan Babazadə, Fatimə Məmmədzadə, Firudin Allahverdi, Sara Timurova və operator Azər Həsənov çalışıblar.

"Gravity Bach" layihəsində Stinq, Brayn May (Quen), Brayn Eno, Deyvid Qilmur (Pink Floyd), Yuja Vanq, Lanq Lanq, Daniel Hop kimi dünya səviyyəli musiqiçilər də iştirak edir.

Qeyd edək ki, konsert marafonu Youtube platformasının "ARTE Concert" kanalında yayımlayanacaq.