Serbiyanın nüfuzlu mədəniyyət ocaqlarından olan və 2022-ci ildə Avropa Mədəniyyət paytaxtı seçilən Novı Sad şəhərinin Dövlət Opera və Balet Teatrında dahi italyan bəstəkarı Cüzeppe Verdinin “Aida” operasının möhtəşəm təqdimatı gerçəkləşib.
Kulis xəbər verir ki, tamaşada üç ölkənin - Azərbaycan, Türkiyə və Serbiyanın tanınmış sənət xadimləri iştirak ediblər. Aida rolunu Ankara Dövlət Opera Teatrının direktoru, Türkiyənin məşhur opera müğənnisi Feryal Türkoğlu ifa edib. Operaya dirijorluğu isə Azərbaycan Dövlət Akademik Opera və Balet Teatrının baş dirijoru və musiqi rəhbəri, beynəlxalq müsabiqələr laureatı, respublikanın Əməkdar artisti Əyyub Quliyev uğurla həyata keçirib. Tamaşada aparıcı rolları - Metropoliten Opera Teatrının solisti (Nyu York) Miliana Nikoliç (Amneris), Stefan Karanaç (Radames), Jelko Andriç (Amonasro), Neboyşa Babiç (Faraon), Straxinya Doniç (Ramfis), Nataşa Knejevi və İqor Ksyonjik ifa ediblər.
Tamaşa bitdikdən sonra dinləyicilər ayaqüstə uzun sürən alqışlarla azərbaycanlı dirijoru və operanın iştirakçılarını salamlayıblar. Anşlaqla keçən tamaşada şəhərin tanınmış mədəniyyət və incəsənət xadimləri və Türkiyənin Serbiyada fövqəladə və səlahiyyətli səfiri Hami Aksoy iştirak ediblər.
Tamaşadan əvvəl Novı Sad Opera Teatrının baş direktoru Aleksandr Stankov azərbaycanlı dirijor Əyyub Quliyev və Feryal Türkoğlu ilə görüşərək onlarla bərabər üç ölkənin sənət nümayəndələrinin əlaqələrinin genişləndirilməsinin perspektivlərini müzakirə ediblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər