Arxeoloqlar Qazaxıstanın Atırau vilayətində 2400 il əvvələ aid üç qədim kurqanda qızıl zinət əşyaları və silahlar aşkar ediblər.

Kulis.az xəbər verir ki, araşdırma zamanı tapılan V əsrə aid əşyalar burada köçəri sarmat xalqının yaşadığını göstərir.

Qazıntılara rəhbərlik edən arxeoloq Marat Kassenov bildirib ki, əvvəllər Atırau bölgəsinin Sarmat torpaqları ilə sərhəddə olduğu düşünülsə də, bu kəşflər bölgənin, əslində, sarmatların mərkəzi ola biləcəyi ehtimallarını artırır. Xəzər dənizinin şimalında yerləşən bu ərazi köçəri sarmatlar üçün mühüm mərkəz ola bilərdi.

Sarmatlar kimdir?

Sarmatlar eramızdan əvvəl V əsrdən eramızın IV əsrinə qədər Şərqi Avropa və Orta Asiyanın çöllərində hökmranlıq edən köçəri xalq olub. İlk dəfə fars yazılarında bəhs olunan sarmatlar Qara dənizdən Çinə qədər uzanan böyük köçəri mədəniyyətin tərkib hissəsi idi.

Sonda qotlar və digər german tayfaları ilə ittifaq yaradan sarmatlar Qərbi Roma imperiyasının dağılmasından sonra bu torpaqlarda məskunlaşıblar. Onlar, həmçinin Şərqi Roma (Bizans) imperiyası uğrunda ağır süvari birlikləri kimi döyüşürdülər.

• Sevməyin, ay əclaflar, bizi gözləyən qadınları... - Zahir Əzəmətin şeirləri
• Rəhman Rəhmanov: "40 il toylara getdim, oğlum öləndən sonra getməmişəm" - Müsahibə
• "Erməni qızları gecə-gündüz ona xidmət edirdilər" - Türk qətliamının pərdəarxasında kim var idi?