Kulis.az 10 məşhur əsərdən yaddaşlarımızda iz qoymuş ilk və son cümlələri təqdim edir.

"Yeni həyat" - Orxan Pamuk

İlk cümləsi:

"Bir gün bir kitap oxudum və bütün həyatım dəyişdi.

Son cümlələri:

"Bunun həyatımın sonu olduğunu anladım. Halbuki mən evimə qayıtmaq istəyirdim, yeni bir həyata keçmək, ölmək isə heç istəmirdim".

"Anna Karenina" - Lev Tolstoy

İlk cümləsi:

"Bütün xoşbəxt ailələr bir-birinə bənzəyir; bədbəxt ailələrinsə hərəsi bir cür bədbəxtdir".

Son cümləsi:

Həmişə olduğu kimi arabaçı İvana hirslənəcəyəm, yenə mübahisə edəcəyəm, yerli-yersiz düşüncələrimi dilə gətirəcəyəm; ruhumun ən gizli guşələri ilə başqaları, hətta arvadım arasında bir divar olacaq; həmişəki kimi öz qorxularım ucbatından onu günahlandıracaq və bundan peşman olacağam; niyə dua etdiyimi ağıllı-başlı anlaya bilməyəcək, amma yenə də dua edəcəyəm; lakin həyatım, bütün həyatım — başıma gələ biləcək hər şeydən asılı olmayaraq — həyatımın hər dəqiqəsi əvvəlki kimi mənasız olmaqla kifayətlənməyəcək, bu həyata qata biləcəyim yaxşılığın dəqiq və qəti mənasına sahib olacaq".

"Xəz paltolu Madonna" - Səbahəddin Əli

İlk cümləsi:

"İndiyədək rast gəldiyim insanlar arasında bəlkə də mənə ən böyük təsiri göstərən bir nəfər olmuşdur".

Son cümləsi:

"Şirkətdə Raif əfəndinin boş masasına oturdum və qara üzlü dəftərini önümdə qoyaraq bir daha oxumağa başladım".

"Məsumiyyət muzeyi" - Orxan Pamuk

İlk cümləsi:

"Həyatımın ən xoşbəxt anı imiş, bilməmişəm".

Son cümlələri:

"Hər kəs bilsin, mən çox xoşbəxt bir həyat yaşadım".

"Lolita" - Vladimir Nabokov

İlk cümləsi:

"Lolita, həyatımın işığı, qasıqlarımın atəşi..."

Son cümləsi:

"Ki, bu da səninlə mənim birlikdə paylaşa biləcəyimiz yeganə ölümsüzlük ola bilər, Lolitam mənim".

"1984" - Corc Oruell

İlk cümləsi:

"Soyuq, günəşli aprel günü idi, saat on üçü vurdu".

Son cümlələri:

"Mübarizə başa çatıb. O, öz üzərində qələbə çalıb. O, Böyük Qardaşı sevir".

"Çevrilmə" - Frans Kafka

İlk cümləsi:

"Bir səhər gecənin narahat yuxusundan ayılan Qreqor Zamza başa düşdü ki, elə yatağındaca əcaib bir həşərata çevrilib".

Son cümləsi:

"Qız onların yeni arzularını və gözəl niyyətlərini təsdiq edirmiş kimi, səyahətlərinin axırına çatanda birinci olaraq ayağa qalxıb cavan qamətini düzəltdi".

"Möhtəşəm Qetsbi" - Frensis Skott Fitscerald

İlk cümləsi:

"Yeniyetmə vaxtlarımdan atamın verdiyi bir öyüdü qulağımda sırğa eləmişəm: nə zaman birinə qarşı tənqidi yanaşmalı olsan, unutma, hamı sənin imkanlarınla dünyaya gəlməyib!"

Son cümləsi:

"Beləcə irəliləməyə davam edirik: fasiləsiz şəkildə geriyə atılsaq da, axına qarşı yol alan qayıqlar kimi".

"Beşmərtəbəli evin altıncı mərtəbəsi" - Anar

İlk cümləsi:

"...amma qəfilcən sükut çökdü".

Son cümləsi:

"Əgər adamlar başa düşsəydilər ki, beşmərtəbəli binanın altıncı mərtəbəsi də ola bilər, onda nə vardı ki..."

"Balaca Şahzadə" - Antuan de Sent-Ekzüperi

İlk cümləsi:

"Altı yaşım olanda balta dəyməmiş meşədən danışan “Gerçək əhvalatlar” adlı bir kitabda əcaib şəkil gördüm".

Son cümlələri:

"Çox xahiş edirəm, o zaman mənə təskinlik verməyi unutmayın, tezcə mənə yazın ki, o qayıdıb..."

• “Xalq yazıçısı Yusif Səmədoğlu - 90” adlı elektron məlumat bazası yaradıldı
• "Məhsəti" filminin rejissoru: "Hər kəsdən üzr istəyirəm..."
• Öz taleyini özün seçməliydin, Müşfiq əfəndi! - İlkin Özün yeni şeirləri