Assancdan Facebook barədə şok iddia

Media

Ana səhifə
Media

Assancdan Facebook barədə şok iddia

4 may 2011

10:08

“Wikileaks” saytının qurucusu Culian Assanc yeni açıqlamaları ilə yenə gündəmdədir. Assanc “Facebook”, “Google”, “Yahoo” kimi nəhəng Amerikan internet firmalarının ABŞ kəşfiyyatına çalışdığını iddia edir.

Kulis.az-ın “Huffington Post”-a istinadən verdiyi xəbərə görə, Culian Assanc “Facebook, Google, Yahoo kimi firmalar ABŞ-ın layihəsidir” deməsi ilə yenidən diqqəti öz üzərinə çəkib.

ABŞ-ın diplomatik sənədlərini ictimaiyyətə sızdıran Assanc: “Facebook ən dəhşətli casusdur. Bu şəbəkə insanlar haqqında məlumat almaq üçün böyük mənbədir. İnsanlar dostlarını Facebooka əlavə edərək kəşfiyyat orqanları üçün pulsuz işləyirlər. Dost əlavə etməklə ordakı qeydiyyatınızı yeniləmiş olursunuz” deyə bildirib.

Qeyd edək ki, amerikan firmaların insanları izlənilməsi ilə bağlı son günlər daha bir məlumat da yayılmışdı. Belə ki, “Apple” və “Google” məhsullarının istifadəçiləri iPhone və Androidlərdə getdikləri yerlərin qeydiyyatının aparılmasını iddia edirdilər. Daha sonra Stiv Cobs bu iddiaları rədd etmiş və “Apple” məhsullarının məkan qeydini aparmadığını bildirmişdi.

Günel Əsgərzadə

2987 dəfə oxunub

Paylaş

Oxşar xəbərlər

"Evliliyin əvvəli və sonu möhtəşəm, lakin ortası cəhənnəmdir..." - Enid Baqnolddan sitatlar

14:00 27 oktyabr 2026

Qırğızıstan rəsmisi: "Bişkeklə Bakı arasında mədəni və humanitar əlaqələr möhkəmlənir"

13:40 27 oktyabr 2026

Özbəkistanın mədəniyyət naziri: "Bakı forumu beynəlxalq əməkdaşlıq üçün mühüm platformadır"

13:31 27 oktyabr 2026

Media