"D’ART Gallery" adlı yeni incəsənət məkanının təqdimat mərasimi və “Nəsildən-nəsilə” adlı ilk sərgisi açılıb.
Kulis.az xəbər verir ki, "D’ART Gallery" sənət, mədəniyyət və yaradıcılıq dialoqu üçün yeni bir məkandır.
Qalereyanın “Nəsildən-nəsilə” adlanan ilk açılış sərgisində Azərbaycanın tanınmış rəssamları ilə yanaşı, orta və gənc nəsil rəngkar, qrafik və heykəltəraşların 50-ə yaxın əsərləri sərgilənir. Bu sərgi Azərbaycan təsviri sənətinin keçmişi ilə bugünü arasında körpü yaradır. Təqdim olunan əsərlər eyni zamanda satışdadır.
Sərgi 2026-cı il yanvarın 18-dək davam edəcək.
