KXDR-nın rəhbərləri Kİm Çen İnə sui-qəsddən bəhs edən “Müsahibə” Amerika filmini “terrorizmə bəraət qazandıran və hətta buna həvəsəndirən təhlükəli kino məhsulu” adlandırıblar.
Kulis.az-ın məlumatına görə, bu barədə Şimali Koreyanın Rusiyadakı səfirliyinin "Danışır Moskva” radiostansiyasına göndərdiyi məlumatda bildirilir.
“Bu filmin nümayişi bütün dövlətlərdə qadağan olunmalıdır. Xüsusən də sivil və dost ölkə olan Rusiyada filmin nümayiş olunmasını təsəvvür etmək çətindir" – deyə diplomatik nümayəndəliyin məlumatında vurğulanır.
Şimali Koreya diplomatlarının fikrincə, belə bir filmin çəkilişi ABŞ-ın mənən qeyri-yetkinliyindən xəbər verir və əxlaqca alçaqlığını göstərir.
Dekabrın 25-də Mixail Şvıdkov və Rusiya Xarici İşlər Nazirliyi filmin prokatının əleyhinə çıxış edib.
Rusiyanın Leqal şəbəkə və onlayn kinoteatrları filmin hüquqlarını əlində saxlayan Sony Pictures-dən hansısa təklifin olmadığını söyləyiblər, lakin, filmə Rusiyada maraq var (Qeyd edək ki, artıq film Youtube videoservisinə yüklənib)
Xatırladaq ki, filmin nəzərdə tutulmuş premyera gününə - 18 dekabra bir neçə gün qalmış naməlum qüvvələr seans zamanı terakt törədəcəklərini bildiriblər və bundan sonra nümayiş ləğv olunub. Bunun ardınca Amerika kinoteatrları filmin nümayişindən imtina ediblər.
Filmdə baş rolları Ceyms Franko (“Hörümçək adam”, (Harvi Milk”) və Set Roqen (Yaşıl mozalan”) oynayıb. Filmin süjetinə görə, iki teleaparıcı Kim Çen İndən müsahibə götürmək imkanı əldə ediblər, lakin Şimali Koreyaya səfər zamanı onları xüsusi xidmət orqanlarının sıralarına götürür və onlara Şimali Koreya liderini öldürmək haqda göstəriş verirlər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər