ABŞ Milli Kinoşünaslar Cəmiyyəti fransız rejissor Jan Lük Qodarın “Əlvida sözlər!” dramını ötən ilin ən yaxşı filmi sayıb.

Kulis.az-ın məlumatına görə, 84 yaşlı rejissorun filmi 3D imkanları ilə çəkilib, ərli qadından, tənha kişidən və itdən bəhs edir.

Cəmiyyət rejissor Maykl Linin məşhur Britaniya rəssamından danışan bioqrafik “Uilyam Terner” filmində baş rolda çıxış edən Timoti Spollu ilin ən yaxşı aktyoru seçib.

Ən yaxşı aktrisa adına isə belçika rejissorları Jan Pyer və Lük Dardenlərin “İki gün, bir gecə” filmindəki roluna görə Marion Kotiyar layiq görülüb.

İlin rejissoru “Yeniyetməlik” filmini çəkən Riçard Linkleyter hesab olunub. İlin ən yaxşı ssenaristi isə “Qrand Budapeşt oteli” filminin ssenari müəllifi Ues Anderson sayılıb.

İkinci planda ən yaxşı kişi və ən yaxşı qadın roluna görə mükafatlara “”Aludəlik” filmində oynayan Conatan Kimbl Simons və “Yeniyetməlik” filmindəki roluna görə Patyrisiya Arkett layiq görülüb.

Ən yaxşı sənədli film isə Lora Poytrasın “Vətəndaş dörd” filmi layiq görülüb. Filmdə Mərkəzi Kəşfiyyat İdarəsinin keçmiş əməkdaşı Edvard Snoudendən müsahibə yer alıb.

• Beynimizin içinə düşən sənətkar - Düşüncə keramikaya necə çevrilir?
• Anqolanın ilk prezidenti niyə Moskvada öldü? - Tarixin kulisi
• Həsənağa Turabovun qızı: "Onu heç vaxt bağışlamayacam" - Müsahibə