Sentyabrın 19-da Üzeyir Hacıbəylinin "Koroğlu" operasının tamaşası ilə Azərbaycan Dövlət Akademik Opera və Balet Teatrı 111-ci teatr mövsümünə başlayacaq.

APA-nın məlumatına görə, tamaşa Üzeyir Hacıbəyli XI Beynəlxalq Musiqi Festivalı çərçivəsində baş tutacaq.

Tamaşada teatrın aparıcı solistlərindən əməkdar artistlər Afaq Abbasova (Nigar), Ramil Qasımov (Koroğlu), Cahangir Qurbanov (Həsən xan), Xalq artistləri Əli Əsgərov (İbrahim xan), Əkrəm Poladov (Alı kişi), Fidan Hacıyeva (Xanəndə qız), solist Taleh Yahyayev (Ehsan paşa) və başqaları çıxış edəcəklər. Tamaşanı əməkdar artist, dirijorların beynəlxalq müsabiqələrinin laureatı Əyyub Quliyev idarə edəcək.

Eyni zamanda, festival çərçivəsində sentyabrın 21-də C.Puççininin "Bohema" operası, sentyabrın 22-də F.Əmirovun "Nəsimi" baleti, sentyabrın 28-də A.Adanın "Jizel" baleti, sentyabrın 29-da Üzeyir Hacıbəylinin "Leyli və Məcnun" operasının tamaşaları nümayiş olunacaq.

Yeni teatr mövsümündə Opera və Balet Teatrının tamaşaçılarını çox maraqlı layihələr - premyeralar, tanınmış opera və balet sənəti ulduzlarının iştirakı ilə tamaşalar gözləyir.

• Ceyms Coys oxumaq niyə qorxuludur? - Qismət
• "Squid Game"nin yayım tarixi bəlli oldu
• Fərariliyə görə həbs olunan, ölümünə həkimlərin bais olduğu Hacıbaba Bağırov kimdir?