"dəli ayrılıqlar" sırasından ikinci ...

ayrılığın bir günü..
can evimə yağır qar…
sən gedəli şəhərdə
bayram edir soyuqlar...

hələ bunun qabaqda
fevralı var, martı var...
çox yuxusuz gecələr
neçə oyaq "6"lar..
hələ dayan..ardı var..

hələ sabah cəhənnəm
gecədən çıxammıram..
həbs edib yataq sanki
yerimdən qalxammıram..

sevərək gəzdiyimiz
yollarda yoruluram..
küçəmizi tək keçir
tini tək buruluram..

ya avtobus gecikir
ya da zaman, bilmirəm..
tələsik yolu keçir
tez metroya minirəm..

bu basabas vaqonda
ətrin gəlir burnuma..
kimsə sən kimi qoxur
bax burda..lap yanımda..

çevrilmirəm,baxmıram
düşünürəm ki, sənsən..
əyilib qulağıma
"gözəlsən" deyəcəksən.:

dərsə təkcə gəlirəm
kimsə səni soruşur..
indi gələr deyirəm
dilim yalan danışır..

dərsdən yarımçıq çıxır
sahilə tələsirəm..
dünən öpdüyün yerdə
bu gün səni gəzirəm..

görsəm, deyəcəyəm ki
"vitrinlərdə güzgüyə
daha mən tək baxıram..
avtobusu seçməkçün
indi eynək taxıram...

qaz sobası acizdi
otağı isitməkdə..
getməyə vaxtmı tapdın
qışın oğlan yerində??..

bir azca nəfəs qoy get
gecələr qızınmaqçün
azca da həvəs ver get
səhərlər oyanmaqçün.

gözlədim, yenə yoxsan
gecdi, evə dönüm mən..
sənsiz yenə bu axşam
soyuqdan öləcəyəm...

sən gedəli yoldaşım
tənha, oyaq gecələr
neçə yuxulu səhər..
nə mən əvvəlki mənəm
nə də şəhər o şəhər...

• Şəmkirdəki arxeoloji qazıntıların nəticələri təqdim edildi
• Məşhur opera yeni quruluşda: səhnəyə 4 Leyli, 4 Məcnun çıxacaq
• Məşhur ifaçı ilə bağlı məhkəmə qərarı