Səfər Alışarlı Natiq Rəsulzadə haqqında sərt danışdı

Ədəbi tənqid

Ana səhifə
Ədəbi tənqid

Səfər Alışarlı Natiq Rəsulzadə haqqında sərt danışdı

14 iyun 2011

13:29

Yazıçı Səfər Alışarlı Natiq Rəsulzadənin müsahibəsi barədə tənqidi qeydlərini Kulis.az-a yollayıb.

Həmin məktubu olduğu kimi çap edirik:

Natiq Rəsulzadə adları məlum bir kampaniyanın təmsilçisi olaraq, mənim ünvanıma mətbuatda təhqiramiz sözlər söyləyib. Başım qarışıq olduğu üçün bundan bir az gec xəbər tutmuşam. Tərbiyəsizliyi təkrar etmədən o sözləri Natiqin özünə qaytarıram və məsələ ilə bağlı aşağıdakıları bir daha qeyd etməyi zəruri sayıram.

Müasir Azərbaycan ədəbiyyatına gemoroy və serrozdan başqa heç nə verməmiş bu kampaniyanı bütün ədəbi mühit tanıyır, onların mənə qarşı hücumu da birinci dəfə deyil. Mən onların qrafoman özbaşınalığına qarşı ilk etiraz səsimi yazıçıların 1990-cı il qurultayında qaldırmışam. 20 ildə onlar Azərbaycan ədəbi mühitinə kifayət qədər ziyan vurublar. Mənim medalım-filanım yoxdur, amma mən onların mənəvi islahına “Maestro” romanını ithaf etmişəm.

Mən rus ədəbiyyatını sevirəm: ən çox oxuduğum yazıçılar sırasında Platonov, Bulqakov, Qorki, Şukşin, Tolstaya və başqaları var. Amma mən rus dilində yazan adları məlum azərbaycanlıların yaradıcılığını sevmirəm və onu ciddi ədəbiyyat hesab etmirəm. Onlardan bəzilərinin bəlli qüvvələr tərəfindən “geniş” miqyasda təbliği Azərbaycan xalqının milli maraqlarına deyil, tamam başqa məqsədlərə xidmət üçün nəzərdə tutulur. Bunu hamı, onların özü də yaxşı bilir. Konkretlikdə isə, birinci, mütaliə etdiyim bu ədəbiyyatın bədii yetənəkləri və leksik məhdudluğu məni qane etməyib; ikinci, onlar, mənim fikrimcə, Azərbaycan insanın yaşamasına və böyük dünyada öz milli haqları uğrunda mübarizə aparmasına deyil, şərə, fitnə-fəsada və mahiyyət etibarilə milli mədəniyyətin aşağılanmasına daha çox xidmət edirlər. Ona görə də bir xalq məsəlində deyildiyi kimi, onlar yüz il tikan otlasalar da ağızları dəvə ağzına bənzəməyəcək.

Xatırladaq ki, Yazıçı Natiq Rəsulzada Kulis.az-a müsahibəsində yazıçı Səfər Alışarlı barədə həddən artıq sərt fikirlər işlədib. Səfər Alışarlının “rusdilliləri etnik azlıq”dır fikrinə münasibət Natiq Rəsulzadə bildirib ki, Səfər Alışarlı qələt edir.