Onluğa düşənləri Şamaxıya aparacaqlar MÜKAFAT

Ədəbi tənqid

Ana səhifə
Ədəbi tənqid

Onluğa düşənləri Şamaxıya aparacaqlar MÜKAFAT

25 may 2011

14:08

Sabir adına kitabxanada mayın 25-də satirik şair Mirzə Ələkbər Sabirin vəfatının 100 illiyinə həsr olunan müsabiqənin nəticələri açıqlanıb.

Kulis.az-ın verdiyi məlumata görə müsabiqənin təşkilatçılarından olan Əvəz Qurbanlının sözlərinə görə, qezel.az mədəniyyət portalı görkəmli Azərbaycan şairi, Azərbaycan poeziyasında inqilabi-satira məktəbinin əsasını qoymuş maarifpərvər ziyalı Mirzə Ələkbər Sabirin vəfatının 100-cü ildönümü (1911-2011) münasibətilə Ümumrespublika Satira və Qəzəl Müsabiqəsi elan edib. Müsabiqəyə təqdim olunmuş əsərlər, münsiflər heyəti tərəfindən qiymətləndirilib. Obyektivliyin gözlənilməsi məqsədilə münsiflər heyətində təmsil olunan mütəxəssislərin adları müsabiqənin son gününə qədər gizli saxlanılıb.

Tədbirdə Qezel.az saytının yaradıcısı Yasin Xəlil, M.Ə. Sabirin qohumlarından olan Zemfira xanım və Sabir adına kitabxananın direktoru Solmaz xanım çıxış etdilər. Muğam üçlüyünün ifasından sonra qaliblərin adları açıqlandı. Nəticələrə görə, Məmməd Məcidoğlu I yer, Əlibəy Məmmədov II yer, Vüsal Qocayev III yeri tutub. Qaliblərə müvafiq olaraq 150, 100, 50 manat məbləğində pul mükafatı də təqdim olunub. Bundan əlavə ilk onluğa düşənlər Şamaxıya Sabirin türbəsini ziyarətə aparılacaq.

Mükafatlandırma mərasiminin Azərbaycan Yazıçılar Birliyində keçiriləcək.

Vüqar QURDQANLI