news-inner
clock17:29 calendar-gray 11 Yanvar 2021 view-gray518 dəfə oxunub
view-gray518 dəfə oxunub

Sən anamdan da gözəlsən - Fələstinli şairin şeirləri

Kulis.az "Sözün güneyi" layihəsində təbrizli şair Ümid Nəccarinin tərcüməsində tanınmış Fələstin şairi Mahmud Dərvişin şeirlərini təqdim edir.

Alnın mənim Vətənimdir

Alnın mənim Vətənimdir.
Dinlə məni…
Və bu barmaqlıqların arxasında bir alaq otu kimi,
buraxma məni.
Köçdə olan bir göyərçin təki,
Məni öz halıma buraxma.
Gündüzün qaranlıq ayı kimi,
Budaqların arasından görünən bir ulduz kimi,
Məni öz kədərimlə buraxma.
Dustağımın qapısına Günəşi səpən bir əl ilə məni həbsə al.
Məni yandırmaq həvəsilə bir daha
Geri qayıt!
Mənə müştaqsansa,
Məni daşlarımla,
Məni zeytun ağaclarımla,
Məni pəncərəylə,
Palçıqla…
Alnın mənim Vətənimdir.
Dinlə məni, məni tənha buraxma!

Bəlkə bizi də bir təbəssüm gözləyir hardasa

Əlimi sıxdı…
və pıçıltıma üçcə söz dedi:
Həmin üçcə söz ki, günümün bütün varlığı oldu:
“o zaman sabahadək”
İki dəfə üzümü qırxdım,
Ayaqqablarımı parıldatdım,
Dostumun paltarlarını borc aldım,
İki lirə ilə ona tort alam,
Qəhvəli və xamalı.

İndi tək-tənha skamyada oturmuşam.
Və sevgililərlə doludur çevrəm.
Gülüş dodaqlarında.
İnanıram…
Bəlkə bizi də bir təbəssüm gözləyir hardasa
Yoldadır bəlkə,
Bəlkə bir anca yadından çıxıb.
Bəlkə də… bəlkə də…

Uzaq payızın o tayı

Otuz il keçdi o, uzaq payızdan.
Otuz il keçdi Ritanın şəkillərindən.
Keşikdə olan sünbülün ömründən otuz il keçdi,
O uzaq payızda.

Bir gün sənə ürək bağlayıram.
Səfərə gedirəm.
Və sərçələr qanad açır, mənim adıma.
Ölürlər mənim adıma.

Bir gün sənə ürək bağlayıram
Və gözyaşı tökürəm.
Sən anamdan da gözəlsən.
Məni didərgin salan sözlərdən də gözəlsən.
Bu sənin şəklindir su üzərində.
Və bu qürubun kölgəsidir, kölgəmi sevmir.

Bir gün solacaq bu qızılgül yaddaşımızda.
Bir gün şənlik edəcəklər özgələr yaddaşımızda.
Bu ləhzəni su üzərində üzdürmək istəyirəm,
əsatirdə
göy üzündə.
Unutmuşdum səni bu uzaq göy üzündə.
Burada Zanbaqların göyərməyə bəhanəsi yoxdur.
Bəhanəsi yoxdur silahların.
Burada şeirlərin şairi yoxdur.
Uzaqdakı göy üzü.
Evlərin tavanına göz dikir.
Polislərin papağına…

Və unuduram alnımı,
Yer üzü bizə işgəncə verir.
Bu qərib qürub içində bədənin portağal ətri verir
Uzaqlaşır bədənin məndən.
Suala dönür üfüqlər…

Sənə ürək bağlayıram,
Mavi olur dəniz.
Sənə ürək bağlayıram,
Yaşıl olur otlar.
Sənə ürək bağlayıram,
Zanbaq.
Sənə ürək bağlayıram,
Qılınc.
Sənə ürək bağlayıram.
Bir gün mən də öləcəyəm.
Bir gün…
Bir gün sənə ürək bağlayacağam, intihar etmədən.
Saçlarını darayacağam bu uzaq payızın o tayında.

Bir gün sənə ürək bağlayacağam,
Və sərçələr qanad açacaq mənim adıma,
Sərbəst…

Gün keçir,
Bir gün sənə ürək bağlayacağam,
Bir gün diri qalacağam.
Bu uzaq payızın o tayında!

“Yer üzü” şeirindən epizod

Xanəndə mahnı oxuyur od və qəriblərdən.
Xanəndə oxuyur oddan,
Qəriblərdən.
Eləcə gün batır və xanəndə mahnı oxuyur.
“Niyə mahnı oxuyursan?” – soruşurlar.
Cavabda “səbəbsiz mən mahnı oxuyuram” – deyir

Köksünü axtardılar…
Ürəkdən başqa nəsə tapmadılar.
Ürəyini təftiş etdilər,
Xalqdan başqa nəsə tapmadılar.
Səsini təftiş etdilər,
Kədərdən başqa nəsə tapmadılar.
Kədərini axtardılar,
Dustağından başqa nəsə tapmadılar.
Dustağını təftiş etdilər,
Nəsə tapmadılar
Özlərini bağlayan zəncirlərdən başqa.

Təpənin o tayında
Xanəndə yalqızcasına mahnı oxuyur.
Və mart ayında
Kölgələr onun üzərindən yuxarı qalxır.

Oxşar xəbərlər

Xəbər lenti

Berlin Film Festivalında Azərbaycan düzəlişi
10:14 05 Mart 2021
Erməni generalını boğan şəhid haqqında roman - İlk hissə
09:00 05 Mart 2021
Acından kirpikləri tökülən, evlənməkdən qorxan, mənzilində yiyəsiz ölən Əməkdar artist
21:00 04 Mart 2021
O, ölümə qaçdığının fərqində deyildi – Cavanşir Yusifli yazır…
18:11 04 Mart 2021
İsa peyğəmbər öldürülməyib: Bunu Quran da təsdiq edir
17:34 04 Mart 2021
Xalça Muzeyi fəaliyyətini dayandırır
16:47 04 Mart 2021
Milli Dram Teatrının mart repertuarı
16:08 04 Mart 2021
Tağıyevin gənc arvadının soyadını götürdü, Nağıyev evini əlindən aldı, bığını qırxdığı üçün nəsli ilə düşmən oldu - Ərəblinskini kim güllələyib?
15:02 04 Mart 2021
Cavanşir Məmmədovun çırtması, pampersli quzu
13:10 04 Mart 2021
"Neftlix"dən yenilik - Smartfonlar üçün əlavə
12:17 04 Mart 2021
Məşhur verilişin dəhşətli yalanı: Müxbirimiz aparıcı qıza necə vuruldu? – Studiyadan Reportaj
11:33 04 Mart 2021
"Şair ağacın altında durub..." - İmtahan mərkəzinə bizdən sual
10:49 04 Mart 2021
Şəhid Cəbrayıl Dövlətzadədən roman yazıldı – Sabahdan Kulisdə
10:18 04 Mart 2021
Ssenari müsabiqəsinin siyahısı açıqlandı
09:45 04 Mart 2021
Aristotelin ayaqqabısını geyinən İsa - Aqşin Yenisey yazır...
09:01 04 Mart 2021
Hacıbaba Hüseynovun qızı: “Atam onların üzünə söyürdü” - Müsahibə
21:03 03 Mart 2021
Anar Kərimov İstanbulda azərbaycanlı incəsənət xadimləri ilə görüşüb
18:40 03 Mart 2021
“Azərbaycan” jurnalının yeni sayı çap olundu
18:01 03 Mart 2021
Amerikalıları heyrətləndirən şuşalı qadın - Vilayət Quliyev yazır...
17:14 03 Mart 2021
Zibillik oyuncağı – Hekayə
16:15 03 Mart 2021