Sumqayıt Dövlət Dram Teatrında görkəmli yazıçı Mirzəağa Atəşin “Şərəfin sandığı” pyesi əsasında “Gəlinlərin savaşı” adlı yeni komediya tamaşasının məşqlərinə başlanılıb.
Kulis.az xəbər verir ki, tamaşanın quruluşçu rejissoru Xalq artisti Firudin Məhərrəmov, rejissorlar Ümid Abbaszadə və Ləman Məmmədli, quruluşçu rəssam Osman Salmanov, musiqi tərtibatçısı Telman Qəniyev, rejissor assistenti isə Fazilə Rzayevadır.
Yeni səhnə əsərində əməkdar artistlər Fəranə Musayeva, İlahə Səfərova, eləcə də aktyorlar İlahə Səfərova, Məryəm Hüseynli, Aynur Hümmətova, Şəmistan Süleymanlı, Kamran Muradlı, Emil Həmidov və Şəhriyar Aşkari rol alırlar.
“Gəlinlərin savaşı” ailə münasibətlərinə yumor prizmasından baxan, 3 ərköyün gəlinlə sülhsevər qayınananın qarşıdurması üzərində qurulmuş maraqlı komediyadır. Gəlinlərin eqosu və qayınanaya qarşı davranışları ailədə gərginlik yaradır. Lakin müdrik qayınana bu vəziyyəti zəka və təmkinlə həll edərək ailədə harmoniya yaradır.
Komediyada məişət münaqişələrinin doğurduğu gülməli vəziyyətlər tamaşaçını həm əyləndirəcək, həm də düşündürəcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər