Qazax Dövlət Dram Teatrı 89-cu mövsümünə “Sonrakı peşmanlıq” tamaşası ilə start verib.
Kulis.az xəbər verir ki, 12 sentyabr saat 12:00-da nümayiş etdirilən tamaşanın müəllifi, quruluşçu rejissoru və musiqi tərtibatçısı Vüsal Hüseynovdur.
Səhnə əsərində rejissor assistenti kimi Ceyhun Vəlizadə, quruluşçu rəssam kimi isə Samir Həsənov çalışıb.
“Sonrakı peşmanlıq” tamaşasında rolları Ceyhun Vəlizadə, Zəmanə Dərviş, Minayə İbrahimova, Nəsimi Aşbazov, Kamil Məmmədov, Əhməd Musayev və Həbibə Musayeva canlandırıblar.
Bu il 26 iyun "Narkomaniya və Narkobiznesə qarşı Beynəlxalq Mübarizə Günü" ərəfəsində premyerası olan tamaşada insan münasibətləri, verilən yanlış qərarların doğurduğu ağır nəticələr və zamanında qiymətləndirilməyən dəyərlərin sonradan yaratdığı peşmanlıq hissi ön plana çıxarılır.
Qeyd edək ki, səhnə əsəri tamaşaçını həyatdakı seçimlər, məsuliyyət və mənəvi dəyərlər üzərində düşünməyə sövq edir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər