Azərbaycan Dövlət Kukla Teatrında Süleyman Sani Axundovun “Qaraca qız” hekayəsi əsasında hazırlanan eyniadlı tamaşanın premyerası olub.
Kulis.az xəbər verir ki, “Qorxulu nağıllar” silsiləsinə daxil olan hekayə 1948-ci ildə Abdulla Şaiq tərəfindən səhnələşdirilərək pyesə çevrilib və zamanla ölkənin müxtəlif teatrlarında uğurla tamaşaya qoyulub.
Kukla Teatrının səhnəsində isə bu əsər təxminən 1970-ci illərdə oynanılıb və qısa müddət sonra repertuardan çıxarılıb. Uzun fasilədən sonra əsərə yenidən müraciət olunub.
Bu dəfə “Qaraca qız”a həzin və düşüncəli yanaşma gətirilib, onun vizual gücü artıb. Beləcə klassik əsərin bədii ruhunu qorumaqla yanaşı, müasir uşaq auditoriyasına uyğun dramaturji və vizual həllər tətbiq edilib. Nəticədə, final səhnəsində faciə yumşalaraq, qəhrəman simvola - əfsanəyə çevrilib, ona ümidverici mesaj qazandırıb.
Tamaşanın yeni səhnələşdirmə və quruluş müəllifi rejissor Səidə Haqverdiyevadır.
Tamaşanın bəstəkarı Əməkdar artist Vüqar Camalzadən, mahnı mətnlərinin müəllifi isə Sevinc Nuruqızıdır.
Quruluşçu rəssam Rəvanə Yaqubova isə kuklalar və səhnə elementləri vasitəsilə əsərin həm realist, həm də nağılvari atmosferini balanslı şəkildə təqdim edib.
Birhissəli uşaq tamaşasında obrazları Prezident mükafatçısı Aygül Ağayeva, aktyorlar Cavid İbrahimov, Samirə Nəcəfova, Elnur Xəlilov, Firuzə Nəsibli Abbasova və Bayram Ağamalıyev ifa edirlər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər